→ كل الوصفات
#٣_وصفات
المقادير
- 2 كوب دقيق
- ¼ كيلو مفروم فيه نسبة دهن
- توابل حواوشى
- قطعة لية فى حجم مكعب الثلج ومبشورة
- بصلة كبيرة مفرومة
- 1 معلقة خميرة كبيرة
- 1 معلقة صغيرة سكر
- 1 معلقة كبيرة لبن بودرة
- مياه دافية حسب مالعجينة تلم
- ¼ كوب زيت
- رشة ملح
- 1 بيضة مخفوقة وربع كوب لبن للوجه
طريقة التحضير
- هنحط الخميرة والسكر فى نص كوب ماء دافئ ونقلبها ونسيبها تخمر اول ماتعمل فوم نقلبها عالدقيق واللبن البودرة ورشة الملح
- ونزود مية لحد ماتلم هتكون بتلزق ساعتها هننزل الزيت شوية شوية علشان ماتبقاش مزيتة لحد ماتبقاش بتلزق يعنى ممكن مانحتاجش الزيت كله
- نغطيها بقى ونسيبها تخمر فى مكان دافئ هتاخد حوالى نص ساعة
- نجهز بقى اللحمة ونحط عليها التوابل والبصلة واللية ونقلبهم على بعض
- نطلع العجينة نقسمها ٤ كور متساويين نفرد كورة بحجم رغيف العيش ونحط عليها نص كمية اللحمة ونفرد كورة تانية ونحطها عليها ونضغط عليها من الاطراف بشوكة علشان تقفل كويس وندهن الوش بالبيض واللبن وممكن نرش عليه سمسم او حبة البركة وممكن نحط جوة الرغيف فوق اللحمة موتزاريلا ونكرر العملية مع الرغيف التانى
- نحط كل رغيف فى صنية وندخلة فرن سخن على درجة حرارة ٢٠٠ لمدة ٢٠ دقيقة او لحد مايحمر من فوق وتحت ونطلعه نقسمه ٤ اربع ونرش عليه بختين مية بالبخاخة او رشة مية بايدك وبالف هنا 😋😋😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد