→ كل الوصفات
#الشيف_الذهبي #صدقة_جارية #طبخة_وبس
المقادير
- 1/2 كيلو دقيق
- معلقة صغيرة خميرة 10 جرام
- معلقة كبيرة سكر 20 جرام
- رشة ملح
- 100 مل زبدة / زيت (نصف كوب)
- 300 مل حليب او ماء دافي (كوب وربع)
- علبة زبادي صغيرة
- 1/2 معلقة صغيرة بيكينج بودر 5 جرام
- ½ كيلو لحم مفروم (ضاني / بقري) مضاف له 20% دهن
- 4 بصلات متوسطين ومفرومين
- فلفل أخضر رومي وحار
- بهارات
- ملح وفلفل اسود
- بابريكا
- رشة حبهان مطحون
- رشة قرفة مطحونة بيدوا طعم حلو
طريقة التحضير
- العجين : نخلط السكر والخميرة ونص الماء الدافي ونسيبهم يختمروا 5 دقايق. نخلط باقي المكونات ونضيف عليهم خليط الخميرة ونترك العجين يختمر ساعة وبعدها نقطع العجين قطع متساوية
- اللحمة : نصف كيلو لحم مفروم بقري او عجل. نضيف عليهم 4 بصلات مفرومين وفلفل رومي وحار قطع وعليهم بهارات (ملح وفلفل اسود وبابريكا ورشة حبهان مطحون ورشة قرفة مطحونة بيدوا طعم حلو) ونخلطهم كويس جدا ونسيبهم فالتلاجة نص ساعة يتبلوا كويس
- نفرد كل قطعة من العجين وعليهم قطعة لحم مفروم وممكن نضيف في كل رغيف جبن موزاريلا او شيدر حسب الرغبة ونفرد عليها قطعة عجين تانية ونقفلها كويس من الأطراف
- ندهن كل رغيف بفرشة زيت ورشة حبة البركة او سمسم
- في صاج كبير نفرد الارغفة وندخله الفرن على درجة حرارة 180 لمدة 15 دقيقة وبعدها نشغل الشواية حوالي 5 دقايق لحد ما يحمر الوش
- نقطعه انصاص او اربع حسب الرغبة ويقدم مع مخلل وطحينة وبألف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد