→ كل الوصفات
طريقة عمل حواوشي اسكندراني (بالفراخ المفرومه) سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كيلو دقيق
- معلقه كبيره خميره
- ماء دافي للعجن
- معلقتين كبار سكر
- 1/2 معلقه صغيره ملح
- 4 معالق زيت
- للحشو 👇
- 1/2 كيلو صدور دجاج مفرومه
- 2 بصله كبيره مفرومه
- فلفل بارد وحامي مفروم
- 4 معالق سمنه بلدي
- ملح وفلفل ومعلقه صغيره السبع بهارات
- 1/2 معلقه صغيره بيكنج بودر
- 2 معلقه كبيره دقيق
- طمطمايه كبيره مقطعه صغير
طريقة التحضير
- ندوب السكر والملح ف الماء الدافي ونضيف الخميره والدقيق ونعجن كويس وبعدين ننزل بالزيت ونعجن لحد متكون عجينه ناعمه ونتركها تخمر نص ساعه
- نجهز الحشوه: نفرم البصل والفلفل والبقدونس وننزل عليهم بالفراخ المفرومه والملح والفلفل والبهارات والدقيق والبيكنج بودر والسمنه ونعجنهم كويس ونسيبهم علي جنب نص ساعه
- نكور العجينه كور صغيره ونغطيها بفوطه مطبخ ونفرد واحده ونحط فيها الحشو ونفرد التانيه ونحطها عليها ونقفل كويس
- نقلب الرغيف ونفرده كويسه ونضعه في صينيه فرن ونخلص كل الكميه وبعدين ندهن الارغفه بالسمن وندخلها فرن متوسط الحراره لحد ماتتحمر من تحت وفوق
- نغطي الحواوش اول لما يطلع بفوطه لمده ربع ساعه ونقدمه مع سلطه طحينه ومخلل وبطاطس محمره وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد