→ كل الوصفات

حواوشي اسكندراني زي المحلات بالخطوات 💪✋

#علي_ضمانتي #نكهة_بالذاكرة

  • كيلو لحمه مفروم
  • 3 بصلات كبار
  • 3 وحدات فلفل أخضر
  • معلقه كبيره فلفل اسود
  • ملح حسب التذوق
  • معلقه كبيره بيكنج بودر
  • كوب الا ربع دقيق
  • معلقه كبيره بهارات لحمه أو سبع بهارات
  • مقادير العجينه :كيلو الا كوب دقيق ابيض
  • كوب رده
  • معلقه كبيره لبن بودره
  • معلقه كبيره بيكنج بودر
  • ميه للعجن
  1. فطبق غويط هنحط مكونات اللحمه وتوابلها مع تقطيع الفلفل صغير جدا وبشر البصل ونضيف ليها الدقيق والبيكنج البودر والملح نظبطه
  2. هنقلبهم مع بعض كويس اوي ونقسمهم كور بالتساوي عملوا حوالي ٨ كور متوسطين
  3. هنضيف الدقيق مع الرده واللبن البودره والبيكنج بودر ونقلبهم مع بعض حلو اوي ونعجنهم بالميه العاديه لما تتشكل عجينه مش بتلزق وسهل التعامل بيها
  4. هنقطعها حوالي ١٦ كوره متساوين قدر الإمكان ونرصهم فصينيه مرشوشه دقيق بسيط هنفرد كورتين منهم زي الصوره كدا ونحط عليها كوره من اللحمه ونحط عليها العجينه التانيه من فوق
  5. هقفلها من الجوانب وأسيبها لما اخلص باقي الكميه بنفس الخطوات زي الصور هنجيب صينيه مرشوشه دقيق بسيط ونبدأ نفرد عليها واحد واحد لما يبقى شكل الرغيف وسمك سم ونص
  6. زي الشكل كدا لو هنعمل كميه نحتفظ بيها هنحط كيس من تحت خالص ونحط عليه اول رغيف وبعدين كيس ونرص التاني وهكذا بين كل واحد والتاني كيس ونشيله فالفريزر بالصينيه المسنودين عليها عشان يفضل مفرود لما يتفرز يتلف بالاسترتش ويطلع عالتوسيه ع نار هادي
  7. اما التسويه على طول فطاسه عالنار هنحط شويه زيت ونسخن الطاسه بسيط وننزل بالرغيف عليه يستوي وبعدين نقلبه عالوش التاني التسويه ديه هتخليه طرى زي المحلات غير الفرن وبالف هنا واللحمه بتكون مستويه ✋💪
  8. ملحوظه ممكن الدقيق يبقى ابيض بس مش لازم رده اختياري
عجبتك الوصفة؟
شوف كل وصفاتنا في مكان واحد
كل الوصفات →