→ كل الوصفات
الشتاء بيحب المعجنات معروفة 😂🖤 عشان كده هنعمل سوا النهاردة من #وصفات_الشتاء عيش بلحمة او حواوشي اسكندراني او لحم بعجين اي كان بتسموها ايه خلونا متفقين ان وصفه وطعمه قمرين 🥰 اتمني يعجبكم وتجربوه وبالهنا والشفا مقدما ❤
المقادير
- 2 كوب ماء دافئ
- 4 معلقه صغيرة خميرة
- 4 معلقة سكر كبيرة
- 4 معلقة كبيرة زيت
- 6 اكواب دقيق
- رشة ملح
- 1/2 كيلو لحمة بدهن شوية
- 3 ربطات بقدونس
- 3 بصلات كبيرة
- 1 طماطم جامدة
- 1 شطة خضرا او فلفل اخضر
- ملح وفلفل
- السبع بهارات و شطة
- بابريكا وجنزبيل
- زعتر وبهارات لحمه
- 1/4 كوب لبن
- معلقة صغير نسكافية
- معلقه زبدة
- سمسم وحبه البركه
طريقة التحضير
- اول حاجه هنحضر خليط اللحمه بنفرم البصل والفلفل او الشطه الخضرا ونحطهم علي اللحمه المفرومه ونقطع البقدونس ونخلطه معاهم وبنحط البهارات المذكورة في المقادير وطماطمية تكون جامدة هنقطعها مربعات صغيرة خالص ونخلطها بايدينا معاهم و نفضل نقلب لحد ما نتاكد انهم اتخلطو كويس جدا ونقسمهم لكور متساوية.. انا سبيتهم طول الليل في التلاجه لو مفيش وقت ممكن نسيبهم ساعتين
- هنحضر العجينه اول حاجه هنحضر خليط الخميرة ونتاكد انه تمام هنجيب كوبين ماء دافيين ونحط عليهم السكر والخميرة ونقلبهم ونسيبهم خمس لعشر دقايق
- وبعدين بنحط في العجانه الدقيق والملح والزيت وخليط الخميرة ونسيبهم لحد ما يتعجنو كويس اوي وتكون عجينه ملمومه وملساء بنسيبها ونغطيها لمدة ساعه لساعتين في مكان دافئ لحد ما تخمر وبنقسمهم لكور متساوية برضو
- بنبدأ بقي في تجميع القمر بنفرد العجينه علي شكل دايرة متساوية ونحط خليط اللحمة في نص الدايرة ونقفلها ونتاكد اننا قفلناها كويس سواء بايدينا او الشوكه من الاطراف كده ونعيده العملية دي لحد ما نخلص الكمية ونرصهم في الصاج او صنية يكون مدهون كويس مدهون
- طبعا طول ما بنشتغل بنغطي العجينه ببلاستبك بفوطه او كيس اي حاجه بنحضر خليط الدهن علي الوش بندفي اللبن في الميكروف وبنحط النسكافية والسمنه ونقلب لحد ما يتخلطو وندهن بفرشة براحه علي وش العجينه ونرش سمسم و حبه البركه
- بنسخن الفرن كويس جدا وبنحطهم وبياخدو حوالي ٢٠ ل ٣٠ دقيقه وبنفتح الشواية عشان يحمر م علي الوش ونخلي بالنا وبس كده بالف هنا وشفا يارب يكون عجبكم و متاكدة انه هيعجبكم لو جربتوه مستية رايكم 😍🤩
- ممكن يزيد حاجه بسيطة من العجينه ممكن نشكلهم سادة او نحشيهم جبنه وزيتون او حشوة مفضلة انا فضلت يكونو سادة.. العجينة نفسها طعمها حلو اوي وهشة جدا بس كده 💞
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد