→ كل الوصفات
طريقة عمل حواوشي اسكندراني سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 ك لحمة مفرومة
- 1 بصلة حجم وسط مفرومة
- 1 فلفل اخضر بارد متقطع صغير
- 1 طماطم حجم وسط متقطعة صغير
- 1 ملعقة ص ملح
- 1 ملعقة ك بهارات حواوشي
- 1 ملعقة ك مستردة (خردل)
- 1 ملعقة ك كاتشب
- العجينة⬇️
- 1 ملعقة ك خميرة
- 1 ملعقة ك سكر
- 1 1/2 كوب حليب دافئ
- 1 1/2 ملعقة ص ملح
- 1/2 كوب زيت
- 4 كوب دقيق "منخول"
- 4 ملاعق ك زبادي
- 1 ملعقة ص بيكنج بودر
- سمسم و حبة البركة للوجه
طريقة التحضير
- في طبق عميق نزلت حليب دافئ -خميرة -سكر، سيبتهم 10 دقائق و نزلت عليهم زبادي -بيكنج بودر -ملح، قلبتهم كويس و ضفت عليهم الدقيق و نصف كمية الزيت، عجنتهم مع بعض و لحد ما الزيت اختفى و نزلت باقي كميه الزيت، عجنتها لحد ما وصلت لقوام طرى ناعم، دهنتها زيت و سيبتها تختمر لمدة ساعة
- تبلت اللحمة و ولعت فحمة و سيبتها مع اللحمة تتبخر شوية، قسمت العجينة لـ 12 كورة، فردت كورتين وزعت الحشوة على واحدة فيهم و غطيتها بالقطعة الثانية، جبت طرف القطعه اللي تحت و قفلتها على اللي فوق علشان العجينة ماتتفتحش، دهنتها بالسمن و قلبتها بالراحة، بعد كدا فردتها شوية صغيرين علشان ما تطلعش تخينه، دهنتها بالسمن و وزعت عليها سمسم و حبة البركة
- شغلت الفرن على حراره 200 اول ما لقيت العجينة خمرت، علشان يكون حامي وقت دخول الحواوشي، رصيت الحواوشي على ورق زبدة في الفرن، ودخلتهم لحد ما اخدت لون من تحت و شغلت الشواية. بالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد