→ كل الوصفات

حواوشي اسكندراني

طريقة عمل حواوشي اسكندراني سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • للعجين
  • 0.5 كيلو دقيق
  • معلقه صغيره سكر
  • رشه ملح
  • ملعقتين كبار خميره فوريه او جافه
  • ملعقتين كبار لبن بودره
  • ملعقه صغيرة بيكنج باودر
  • 0.33 كوب زيت
  • ماء دافي للعجن
  • الحشوه
  • 0.5 كيلو لحمه مفرومه او اقل شويه من النصف
  • 3 حبات بصل متوسطه مفرومه ومتصفيه من الماء بتاعتها
  • 7 حبات فلفل رومي مفرومين ومتصفين كويس من الماء بتاعتهم
  • توابل
  • معلقه صغيره فلفل اسود
  • معلقه صغيره بابريكا
  • معلقه صغيره ثوم بودرة
  • معلقه صغيره بصل بودرة
  • معلقه صغيره بهارات لحمه
  • معلقه صغيره ملح
  1. نعمل العجين الاول نخلط كل المكونات على بعض ونبتدي نعجن بالميه الدافيه لحد العجين ميلم معانا
  2. نسيبه يخمر ساعه او ساعتين او اكتر انا عملته وسبته حوالي 10ساعات في فرن البوتاجاز ودا شكله لما اختمر وحجمه اتضاعف
  3. نكوز العجينه كور متساويه ونسيبها لحد منجهز الحشوه
  4. نفرم البصل ونصفيه من الماء ونفرم الفلفل ونصفيه من الماء برضو
  5. نخلطهم مع اللحمه ونضيف الملح والتوابل ونعجن كويس
  6. نكور الحشوه بنفس عدد كور العجين زي كدا هي مش نفس العدد لاني كنت اخدت منها وعملت كام واحده
  7. نفرد كل كوره على رخامه مدهونه قليل من الزيت ونخلي الجزء اللي في المنتصف تخين او سميك شويه عشان هيكون عليه اللحمه
  8. نفرد اللحمه عليه ونقفل بالشكل دا
  9. ندخلها فرن سخن على درجه حراره 220
  10. نتابعها كل عشر دقايق ونشوف من تحت اول متحمر نقلبها على الوش التاني
  11. مش بياخد وقت طويل في الفرن نخلي بالنا دي صورته من تحت بعد مقلبته
  12. الواحد منه بيشبع اوي يعني الكميه دي تاكل 3 او 4 افراد
  13. وبالهنا والشفا 😘 😘 😘 😘
عجبتك الوصفة؟
شوف كل وصفاتنا في مكان واحد
كل الوصفات →