→ كل الوصفات
طريقه سهله وسريعه لعمل الحواوشي بدون لحوم تنفع لفطار او عشا سريع
المقادير
- 4 بيضات
- 1 طماطم متوسطة مكعبات
- بصله متوسطه مفرومه
- 1 فلفل رومي مقطع مكعبات
- 2 فلفل حار (اختياري)
- ربع كوب شبت وكسبره خضراء مفرومين
- نصف كوب زيت وممكن لا نحتاج اليه كله
- 4 رغيف عيش بلدي مصري
- رشه فلفل اسود مطحون
- رشه كمون ساده
- الملح حسب الرغبه
طريقة التحضير
- علي نار هادئة ناخذ شويه مش كتير اوى من الزيت نشوح فيهم البصل لحد ما تدبل ونضيف الفلفل ونقلبهم ونضيف الطماطم والخضرة والتوابل واخيرا نضع البيض ونقلب لحد ما يبقي نص سوا ونطفي النار قبل التسوية الكامله
- نجيب صنيه وندهنها زيت ونفتح العيش جزئيا ونضع فيه جزء من الخليط حسب الكميه المرغوب فيها ونرصه في الصينيه ندهن وش العيش بالزيت وندخله الفرن المسخن مسبقا في الشواية 4 دقائق لكل وجه بس ناخد بالنا عشان ميتحرقش لان كل نوع فرن بيختلف طبعا ونقدمه مع مخلل او طماطم متقطعه حسب المتوفر وبالهنا والشفا 💖
- ملحوظه* اذا حبيتو تضيفو اى اضافات زى زيتون او اى نوع جبنه او لانشون او بواقي لحوم او أى اضافات تحبوها بيكون جميل برضو 💖
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد