→ كل الوصفات

حواوشي الحاتي 😋

طريقة عمل حواوشي الحاتي 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 1/2 كيلو لحمة مفرومه عليها ليه
  • بصله وسط مقطع مكعبات صغيره
  • معلقه صغيره ثوم مفروم
  • طماطميه وسط مقطعه مكعبات صغيره بدون القلب
  • جزره مبشوره
  • 1 فلفل رومي وسط مقطع مكعبات صغيره
  • التوابل
  • معلقه صغيره ثوم وبصل بودر
  • معلقه صغيره بابريكا
  • معلقه صغيره حبهان مطحون
  • معلقه صغيره السبع بهارات
  • 1/2 معلقه صغيره فلفل اسود
  • 1/2 معلقه صغيره جنزبيل بودر
  • 1/2 معلقه صغيره سماق
  • رشة جوزة الطيب
  • رشة قرفه
  • معلقة كبيره ملح
  • معلقة كبيرة شطه (اختياري)
  • عيش بلدي
  1. بنحط جميع المكونات مع بعض ونخلطهم ماعدا العيش طبعا (ولو عايزه مشطشط بنحط معلقه كبيره شطه / وممكن نحط جبنه موتزريلا يمي 😋)
  2. بنجيب العيش البلدي وبقسمه اتنين بالمقص علشان يبقي شكلهم واحد ومتساوي
  3. بنجيب نص الرغيف ونحشيه من خلطة اللحمه المفرومه كويس نحط كميه كويسه
  4. وندهن الرغيف من الجانبين زيت علي سمنه بالفرشه
  5. بجيب صينية الفرن واغلفها ورق لويل وبجيب شبكة الشاوي وارص فيها الحواوشي واقفل
  6. وادخلها فرن سابق التسخين علي الشبكة اللي في النص علي درجة حراره لمده ٢٠ دقيقه وبنقلبه كل شويه علي الجانبين
  7. وبنشغل الشوايه عليه لو عايزه مقرمش واول ما يطلع نولع فحمه ونحطه عليها معلقه سمنه ونقفل علي الحوواوشي بورق فويل او صينيه علشان يبقي مدخن وريحة الشوي تبقي فيه ويتاكل سخن والف هنا 🤩
عجبتك الوصفة؟
شوف كل وصفاتنا في مكان واحد
كل الوصفات →