→ كل الوصفات

حواوشي بالجبنة والخضروات 😋

#شهي_ولذيذ احلى طريقة تاكلي بيها الحواوشي بعد تجارب كتير ودي الخلاصة بين ايديكي يا جميلةاللحمة لازم تكون دسمة سنة ولو عايزاها زي بتاع الشارع تحطي حتة لية ضاني 😋 وافرميها معاها وكلي احلى حواوشي في البيت.. نضيف ومضمون 👌🙈

  • 1/2 كيلو لحمة مفرومة دسمة سنة
  • علبة زبادي 110 جرام
  • م ك كاتشب
  • ملعقة كبيرة نشا او دقيق
  • م ك بيكنج بودر بتساعد على تماسك اللحمة جوة العيش
  • بصلاية مفرومة ناعم
  • فصين ثوم
  • 1/2 م ص ملح
  • نص ملعقة صغيرة فلفل
  • 1/2 م ص بابريكا
  • نص ملعقة صغيرة شطة حسب الرغبة
  • م ك بهارات حواوشي
  • طماطم وفلفل مكعبات
  • زيتون
  • رشة ملح وفلفل اسمر بسيطة
  • جبنة موتزاريلا وشيدر حسب الرغبة
  • عيش بلدي للحشو 😋
  1. نقلب كل المكونات مع اللحمة ونضيف مكعبات الطماطم والفلفل والزيتون والجبنة
  2. ندهن الوجه و الضهر بزيت دوار شمس او زيت ذرة ونسخن الفرن على ٢٠٠
  3. نرصة في الصينية وندخلة الفرن على ٢٠٠ لمدة ثلث ساعة وبعدين نخفف النار على ١٨٠ لمدة نص ساعة أو لحد ما يستوي ويأخذ لون ويبقى مقرمش
  4. ممكن نضيف على الوجه رشة جبنة
  5. النشا والدقيق بيساعدو ان العيش ميدوبش من ماء الطماطم والفلفل اثناء السوا
  6. البيكنج بودر بيساعد على تماسك اللحمة جوة العيش
  7. يقدم مع سلطة الطحينة والبطاطس المحمرة والف هنا ❤️ ❤️
عجبتك الوصفة؟
شوف كل وصفاتنا في مكان واحد
كل الوصفات →