→ كل الوصفات

حواوشي بلدي فظيع جربوها واقتصادي جدا

#ابدع_واقتصد

  • كيلو لحمه مفرومه
  • كيلو بصل
  • فلفل حامي حسب الاختيار
  • معلقه كبيره ليه
  • معلقه صغيره من كل من البهارات
  • فلفل اسود
  • بهارات لحمه
  • نص معلقه صغيره جنزبيل
  • ملح حسب الرغبه
  • عيش بلدي صغير
  1. نفرم البصل ونصفي كويس جدا ونركن مياه البصل علي جنب
  2. هنفرم اللحمه مع البصل والليه
  3. هنحط البهارات عباره عن فلفل اسود ونص معلقه صغيره جنزبيل وبهارات لحمه ونعجنها كويس
  4. هنحشي الرغيف لحمه ندهن الصاج رشه زيت وعلي الرغيف ويكون الفرن سابق التسخين
  5. هنحطها ف الفرن علي نار متوسطه 180 درجه ونسبها ربع ساعه يصفر من تحت وندهنها بمياه البصل ونشغل الشويه تحمر من فوق
  6. وفي الاخر لما نخلص نولع فحمايه ونحطها ف قشر بصله او ورق فويل ونحط نقطتين زيت ونغطيها
  7. وممكن لو عاوزنا تفضل سخنه وطريه تغطيها بورق فويل
عجبتك الوصفة؟
شوف كل وصفاتنا في مكان واحد
كل الوصفات →