→ كل الوصفات

حواوشي سجق

طريقة عمل حواوشي سجق سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 5 كوبايات دقيق
  • 2 كوب ماء
  • كيس خميرة فورية (حوالي 12 جرام)
  • ملعقة سكر
  • 0.25 كيلو سجق
  • للحشوة
  • 0.5 معلقة صغيرة ملح
  • 3 طماطم
  • 3 فلفل
  • كمون
  • فلفل اسود
  • ملح
  • حبة البركة
  • 3 بصل
  • زعتر
  • قليل زيت, للدهن
  1. بنعجبن العجينة، ماء دافئ على دقيق ونص ملعقة الملح ومعلقة السكر والخميرة الفورية. ونسيبها تختمر حوالي نص ساعه
  2. بنحضر الخضار بتاعنا ونغسله كويس ونقطعه صغير
  3. نحط السجق في حلة ونبدا ندقه بيد الهاون بالطريقة دي
  4. بعد تقطيع الخضار صغير, بنضيفه على السجق وندق بردو بسيط عشان يختلط كله مع بعض. ونضيف عليه الملح والفلفل الاسود والزعتر
  5. اجيب العجينة وابدا افردها كدا. واحط الخليط بتاعي فيها
  6. ممكن ان اغطي العجينة بالنص التاني بتاعها ويبقى رغيف كامل، او اني اعملها نص رغيف
  7. ده شكل النص رغيف. وبدهنه بالزيت وعليه حبة البركة والكمون. وبتخرمي الرغيف بالشوكة عشان تدخل الحرارة جوا الساندوتش
  8. بدهن صينية الفرن زيت واحطه على درجة حرارة عاليه. وبعد عشر دقائق, بوطيها واولع الشواية. وبياخذ سوا من نص ساعه لساعه الا ربع في الفرن
  9. وده الرغيف الكامل
  10. ده بيكون الشكل النهائي. والف هنا، وادعولي بالستر والتوفيق
  11. حواوشي السجق
عجبتك الوصفة؟
شوف كل وصفاتنا في مكان واحد
كل الوصفات →