→ كل الوصفات
حواوشي قالي عليه كابتن الجيم وجربته وعجبني اوي
المقادير
- 2 رغيف عيش بلدي (كل رغيف هيكون تقريبا حوالي 57 جم)
- 4 بيضات
- 59 جم جبنه شيدر
- 31 جم طماطم مجففه
- 25 جم رومي بطارخ
- 2 معلقة زيت زيتون
- 2 معلقه صغيره فلفل اسود
- 1 شعرايه ملح عشان الجبن فيها ملح
- 1 معلقه صغيرة زعتر
طريقة التحضير
- كل المكونات على بعضها بالتوابل في بوله كبيرة تتقلب. (جرب واختبر براحتك مكونات تانيه مع البيض غير اللي انا كتباها)
- نحط كل المكونات اللي قلبناها في قلب رغيف العيش. تريكايه مهمه (حاول ما تقطعش العيش بالظبط من الخط سيب شويه وافتحه تحت الخط شويه عشان المكونات متدلدقش) زي ما انا عامله في الصوره
- قرب الطبق اللي فيه العيش جمب الطاسه اللي هتحطه فيها (عشان برده تمنع اي دلدقه). أو ممكن تضيف المكونات والعيش في الطاسه يكون احسن واحسن. ممكن تدهن الطاسه زيت زيتون كمان قبلها
- هتسيب العيش ع نار وسط متغطي عليه في الطاسه وده ضروري عشان كل حاجه تستوي والعيش ميتحرقش. مبياخدش وقت حوالي ٥ دقايق او اقل ع كل جمب ع حسب انت عايز العيش مقرمش قد ايه
- وده شكل العيش بعد ما كل حاجه استوت فيه
- لو عندك مقص مطبخ حامي قطعه بالشكل ده، انا شكل المثلثات ده بيفتح نفسي ع الاكل بصراحه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد