→ كل الوصفات
طريقة عمل حواوشي لحم سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو لحمة مفرومة ملبسه
- 2 بصلة كبيرة
- 1 طماطم
- 1 فلفل أخضر
- ملح وفلفل اسود حسب الرغبة
- بابريكا
- بصل و ثوم بودر
- 2 كوب دقيق
- معلقة و نصف خميرة فورية
- سكر
- 1 زبادي كبير
- زيت
- حبة البركة
- جبنة موتزاريلا وجبنه مثلثات حسب الرغبة
طريقة التحضير
- هنجهز العجينة أول حاجة عشان لحد ما تختمر نكون خلصنا اللحمة.. هنحط ملعقة ونص خميرة في كبايه ماء دافيه و عليهم ملعقة سكر ونسبها تختمر.. وفي بولة كبيرة هنحط كبايتين دقيق كبار وربع كبايه زيت ورشه ملح وعلبة الزبادي و نقلبهم مع بعض ويكون جنبنا ماء دافيه نزود بيها لو محتاجين و بعدين نحط الخميرة الى خمرت
- ونعجنها كويس ونغيطها كويس اوي عشان تكون مدفيه و تختمر بسرعه بتأخذ في جو الشتا ده حوالي ساعة او ساعة الا ربع بعد كده هنطلعها ونعمل منها كور قد بعض و نرشها دقيق ونسبها ترتاح زي كده
- في الكبة هنحط البصلتين و بشرة الطماطم و قرن فلفل حامي او رومي حسب الرغبة والملح و الفلفل و بابريكا و جوزة الطيب وبصل و الثوم البودرة ورشه سكر و معلقتين زيت و نفرمهم و بعدين نحطهم على لحمة و نقلبهم لحد ما يبقوا خليط متجانس
- هنجيب صينية ألومنيوم او صينية الفرن و ندهنها زيت كويس و هنفرد العجين و نحط اللحمة و نسيب ١ سم بينه اللحمة و حرف العجين عشان نعرف نقفله كويس و بعد ما نرصهم في الصينية هنجيب كبايه فيها ملعقة لبن بودر و نص ملعقة سكر و ملعقة نسكافيه ونقلبهم وندهن بيهم وجه الرغيف من فوق عشان يديه اللون الاحمر في الفرن و مش بيسيب اي طعم او ريحه و افضل من البيض كتير وبعد كده نرش حبة البركه و ممكن نزود جبن و خضار حسب الرغبة
- هندخلها دقيقتين في الفرن من تحت و بعد كده هنرفعها في النص و هنشغل الشوايه و نخفف نارها و يبقى شغال الفرن من تحت والشوايه من فوق ثلث ساعة و بيكون استوي و ب الف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد