→ كل الوصفات
بدون دهون
المقادير
- 1/2 كيلو لحمة مفرومة
- بصلة كبيرة مبشورة ومتصفية
- 3 حبات فلفل أخضر متقطعين
- حبة طماطم متقطعة
- معلقة كبيرة دقيق
- معلقة صغيرة بيكنج بودر
- ملح وفلفل أسود حسب الرغبة
- بهارات لحمة أو حواوشي
- رشة بودرة بصل
- رشة بودرة ثوم
- رشة بابريكا
- رشة شطة (اختياري)
- 5 أرغفة عيش مصري
طريقة التحضير
- هنبشر البصلة ونصفيها كويس من الماء وبعدين نضيفها على اللحمة ونقلبهم مع بعض ونحتفظ بمية البصل عشان هنمسح بيها الحواوشي في الآخر
- بعدين نضيفلهم الفلفل والطماطم والدقيق والبيكنج بودر والبهارات كلها ونقلبهم كلهم مع بعض كويس لحد ما يبقى الخليط متجانس
- هندخلها الثلاجة ساعة بس تمسك نفسها
- هنطلعها ونقسمها 5 كور ونوزعها على العيش وندهن العيش بمية البصل ونغطيه بورق فويل وندخله الفرن على درجة حرارة متوسطة لمدة نص ساعة تقريباً ونقلبه على الناحيتين لحد اما يستوي
- نفتح عليه الشواية 5 دقائق في الآخر ياخذ لون
- طبعاً ممكن ندهنه بزيت أو سمنة عشان يبقى طري بس هو كده طلع طعمه جميل برضوا ومقرمش وخفيف عشان الجو اللي احنا فيه ده
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد