→ كل الوصفات

حواوشي مصري

انا كتير بحب الحواوشي بس مش بحب أجيبه من برا علشان مفيش حاجه مضمونة اليومين دول فقررت اعمله ف البيت ومش ليا لوحدي ...لا لاهلي وعائلتي كمان

  • كيلو لحمة مفرومة
  • 4 حبات بصل متوسطين
  • 4/5 فصوص توم
  • فلفل اخضر حامي أو بارد (( حسب الرغبة))
  • وملح
  • وفلفل اسود
  • بصل بودر- توم بودر- قرفة حسب الرغبة
  • عيش بلدي
  1. هنقطع البصل شرائح رفيعة والفلفل قطع صغيرة والتوم هنفرمه
  2. وهنجيب اللحمة المفرومة ونحط عليها كل ده البصل والتوم والفلفل
  3. وهنحط ملح وفلفل اسود
  4. وقرفة بصل بودر توم بودر حسب الرغبة
  5. ونقلب كل ده كويس كله مع بعضه ونجيب العيش البلدي ونفتحه ونحط اللحمة جوه العيش ونفرده كويس
  6. بعدين نجيب صنيه او طاسه العيش ميلزقش فيها تيفال مثلا
  7. ونحط زيت بسيط ونهدي النار بس ونقلب كل فترة بسيطة وحطي فلفل اصفر وطماطم زي مانا حاطه كده وطلعيهم اما يحمره شوية
  8. بس وبألف هناا
عجبتك الوصفة؟
شوف كل وصفاتنا في مكان واحد
كل الوصفات →