→ كل الوصفات
#حواوشي#من #الالف#الى#الياء
المقادير
- كيلو دقيق
- ذره ملح
- معلقه كبيره خميره
- ماء دافئ للعجن
- معلقه سكر صغيرة
- 0.5 كيلو لحم مفروم
- 5 بصلات متوسطة الحجم
- 3 من الفلفل الحار أو العادي حسب الرغبه أو الفلفل الالوان
- قطع من لليه الخروف أو دهون حسب الرغبه
- معلقه كبيره بهار الحواوشي
- معلقه كبيره بهار لحمة
- 0.5 معلقه صغيره فلفل اسود
- رشه من جوزة الطيب
- رشه من القرفه المطحونه
- زيت
طريقة التحضير
- نبتدي بالعجينه هننخل الدقيق كويس ونضيف له رشه الملح والسكر والخميرة ونبتدي نعجن بالمعلقه ولما يبدأ يتكون معايا عجينه ندخل ايدينا فالموضوع 🙈 ونعجن كويس جداً لازم العجينه تتخدم حلو 😉 نغطي العجين بالبلاستيك راب وفوطه ونسيبها نص ساعة تختمر
- نروح بقي للحشو هحط طاسه على النار فيها زيت يذوب يسخن ننزل بالبصل يدووب يذبل نحط اللحمة والفلفل والليه والبهارات و معلقتين مايا ونهدي النار لحد ما تستوا ونضع الملح
- ونرجع للعجينه هنرش الرخامه شوية دقيق ونحط العجينه ونلفها رول ونقسمها ونقرصها ونسيبهم يخمروا واول واحد قرصته هبتدي بيه هفرده بايدي على شكل دائري ونسخدم النشابة ونفرد بيها شويه ميبقاش الرغيف لاتخين ولا رفيع
- ونسيبهم يخمروا عشر دقائق ونضع طاسه على النار ونسيبها تسخن ونضع اول رغيف وضعناه على الصينيه لأنه بيكون اخد حقه فالخميره وهكذا المهم نقلب الرغيف لحد ما ينتفخ معانا ويستوا وبعد ما نخلص الكميه نبتدي بفتح العيش ونحشيه باللحمه ونرصصه في صينية مدهونة بالزيت وندهن وجه الرغيف بالزيت وندخل الصينيه في الفرن على الصاجه المباشره لنار بس تكون نار متوسطه لحد ما يحمر ويتحمص كدا ونقلبه لحد ما يحمر أو حطيه تحت الشواية وخلااااص نطلعه ونقدمه وبالف هنا 😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد