→ كل الوصفات
جمعة مباركة عليكم ❤️ من زمان منزلتش وصفات بس هو كل فترة كدا لما أعمل حاجه احب تتحفظ عندي لأني بستفاد م الوصفات دي زيكم بالظبط وبفتكر الطريقة لو جيت اعملها تاني ❤️ والمرة دي جيت بوصفة تقيلة 😎❤️👌 الحواوشي طبعاً بيتشري من برا بس في الاغلب مش مضمون في احنا عملناه كذا مرة في البيت و بيطلع تحفة في حبيت أشارككم الطريقة ❤️ وكالعادة بألف هنا على قلوبكم ❤️🌸
المقادير
- 2 ك لحمة مفرومة
- 1/2 كيلو فلفل اخضر
- 1/2 كيلو بصل
- رشة السبع بهارات
- ملعقة صغيرة بهارات لحمة
- رشة قرفة
- ملح وفلفل اسود حسب الرغبة
- عيش حواوشي أو عيش سندوتشات الطعميه والفول
طريقة التحضير
- هنجيب الفلفل مع البصل ونفرمهم في كبة أو خلاط ال متوفر عندك وممكن تقطعيهم بس الفرم أفضل
- بعد م يتفرموا نحط عليهم اللحمة ونقلبهم كويس
- بعدين نحط البهارات ونقلب تاني كويس اوي ونسيب الخليط يرتاح
- دا شكل العيش ال جبته * بتاع الطعميه والفول *
- بعد م الخليط ارتاح نحطه في العيش ونوزع كويس في جميع النواحي انا عملت حوالي 25 واحد
- اخر خطوه نقليهم في زيت قليل أو سمنة على نار هاديه وممكن نقدمهم مع بطاطس وكاتشب ومخلل ❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد