→ كل الوصفات

حواوشي

طريقة عمل حواوشي سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كوبين دقيق
  • كوبايه لبن
  • معلقتين زيت
  • معلقتين خميره
  • رشه سكر
  • رشه ملح
  • سمسم
  • بيضه
  • كيس فانيليا
  • الحشو
  • ربع كيلو لحمة مفرومه
  • بصلتين
  • قرنين فلفل اخضر
  • طماطمتين
  1. هنحط الخميره على اللبن والسكر ونقلبهم ونسيبهم يتفاعلوا
  2. ننخل الدقيق ونحط رشه ملح وننزل عليهم باللبن ونعجن كويس ونحط معلقتين الزيت ونعجن كتير
  3. نغطي العجينه ونسيبها تختمر
  4. في طاسه هنبشر البصل ومعلقتين زيت ونشوحه وننزل باللحمه ونشوح وننزل بالفلفل متقطع صغير ونسيبهم سوا عشر دقائق ونقطع الطماطم صغير ونحطها عليهم ونسيبهم خمس دقائق ونطفي النار
  5. هنقطع العجين كور متوسطه ونفردها ونحشيها باللحمه ونقفلها من الجنب
  6. في صينيه مدهونه زيت هنرص العجين
  7. نجيب البيضه وننزل عليها بالفانيليا وندهن وجه العجين ونرش عليه سمسم وندخله الفرن على نار متوسطه لحد مايستوي ونشغل الشوايه تأخذ وجه وبالف هنا
عجبتك الوصفة؟
شوف كل وصفاتنا في مكان واحد
كل الوصفات →