→ كل الوصفات
#الشيف_الذهبي #تحيا_الجزائر✌️🇩🇿🇩🇿🇩🇿🇩🇿🇩🇿🇩🇿🇩🇿🇩🇿
المقادير
- كمية قوانص وكبد الدجاج (حسب افراد العائلة)
- حبة بصل مقطعة مكعبات
- 2 فلفل اخضر مشوي
- حبة طماطم مرحية (مطحونة)
- 2 فصوص ثوم مبشورين
- ملعقة قهوة طماطم مصببرة
- رشة مليحة كمون
- رشة فلفل اسود
- ملح حسب الرغبة
- شوية قصبر مقطع
- شوية (القليل) معدنوس مقطع
- ½ كاس ماء
- 3 ملاعق اكل زيت
طريقة التحضير
- أولا نقطع مقانس الدجاج نحطهم يتقلاو في زيت سخون كي نشوفهم دخلهم الطياب نضيفلهم الكبد مقطع بنفس الحجم و نحطلهم الملح و نقليهم مليح بعدها نزيدلهم البصل و نقلي
- كي نشوفو البصل ذبال نضيف الفلفل بعدما شويتو نقطعوا صغير و نضيفوا انا ضفت معاه واحد فلفل حار اختياري بعدها تبلت فلفل اسود ملح كمون بعدها نضيف الطماطم اللي كنت طحنتها انا ضفت شوية ماء لانوا الطماطم تاعي مافيهاش الماء و نحرك كلشي نخليها تكتك شوية بعدها نضيفلها الطماطم المصبرة و نغلق عليها و نقصلها النار و نخليها تتجمر مليح
- فالاخير نحطلها قصبر و معدنوس و كمون و شهية طيبة❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد