→ كل الوصفات

خبزة القطايف

#يوميات_رمضان 🌹 عملتها حجم عائلي باش نربح الوقت وتصلح لسهرات رمضان نتمني تجربوها وإن شاء الله تعجبكم وصحى سحوركم 🌹

  • 500 غ قطايف
  • 250 غ سمن أو مرغرين ذائب
  • 1/2 كأس سكر رطب
  • م ك فنيلا
  • الحشو
  • 75 غ لوز مقشر
  • 75 غ لوز بالقشور
  • 50 غ جوز
  • 2 م ك سكر عادي
  • ماء الزهر
  • الشاربات
  • 2 كؤوس سكر عادي (سعةالكأس 250ملل)
  • 2 كؤوس ماء
  • 2 م ك ليمون
  • للتزيين
  • بسطاش مرحي
  • حبات لوز مقشر وغير مقشر
  1. بسم الله والصلاة والسلام على رسول الله في جفنة نفتح القطايف جيدا ونضيف عليها السكر والفنيلا والسمن المذاب ونخلط حتي يتجانس الكل ونرشها بالقليل من ماء زهر
  2. نخلي القطايف تتشرب ونعمل الشاربات في كصرول نضع السكر والماء و2 م ك عصير الليمون ونضعها على الفرن ولما تبدأ في الغليان نحسب 12د ونطفئ
  3. نأخذ سنيوة قطرها 30سم وندهنها جيدا بالمرعرين ونضع القطايف النصف منها ونسويها ونعبزها جيدا باليد
  4. نأخذ اللوز بنوعيه والجوز بعد ما رحيتهم ونضيف السكر ونرش القليل من ماء زهر بحيث يكون مرمل ثم نوضعو فوق الطبقة الأولى ثم نضع القطايف المتبقية ونسويها ونعبزها باليد ثم نرشها من فوق بالقليل من السمن
  5. نسخن الفرن على 180 درجة وندخلها تطيب حوالى 40 د و حتي تحمر في الجوانب ثم نشعل من الأعلى
  6. ولما تحمر نخرجها من الفرن ونشربها بالشاربات تكون باردة والقطايف سخونة ونخليها تتشمخ حوالى 6 سا ثم نقلبها ونزينها بالبسطاش واللوز والكرز والتزيين حسب الموجود وإذا حبيتوها ماشي مشمخا بزاف ضيفو كمية من عسيلة إلى الشاربات وشربوها وشهية طيبة للجميع
عجبتك الوصفة؟
شوف كل وصفاتنا في مكان واحد
كل الوصفات →