→ كل الوصفات
طريقة عمل خبز الاسبونج 🥰 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 2 ونصف كوب دقيق
- معلقة صغيرة بيكنج بودر
- رشة ملح
- معلقة صغيرة خميرة
- معلقة صغيرة سكر
- 1/4 كوب ماء
- نصف ملعقة صغيرة كركم
- 3 معالق كبيرة زيت للدهن
- ماء حسب الحاجه للعجن
طريقة التحضير
- في بوله هنحط فيها المكونات الجافه (الدقيق والبيكنج بودر والسكر والملح والخميرة) هنبدأ نضيف الماء بالتدريج وهنجيب ربع كباية ميه وهنحط فيها نصف ملعقة صغيرة من الكركم ونقلبهم ونضيفها للعجينه ونضيف الماء حسب حاجة العجينة ونعجن كويس وده شكل العجينة
- هنغطي العجينة ونسيبها تختمر ساعة تقريبا
- بعد كده هنفردها بالطول ونقطعها ٦ أجزاء
- هنجيب كل قطعة ونفردها بالطول بالشكل ده وندهنها زيت
- بعدين هنطبقها ونقفلها ونقطعها بالسكينه من الجنب التاني بالشكل ده
- آخر حاجه هنلفها ونقفلها من تحت.. بعد ما نخلصهم هنغطيهم ونسيبهم يرتاحوا لمدة ٢٠ دقيقه على جنب ونحطهم على البخار بالشكل ده لمدة ٢٠ دقيقه
- ودة الشكل النهائي ونقدر نفتحه ونحط فيه جبنة او لانشون بيبقى تحفه وبألف هنا 💚🥰
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد