→ كل الوصفات
برغر روعة اول مرة نصنعو مع بعض الاخطاء لي وقعت فيهم كمعلومة: نقولو برغر ومانقولوش همبرغر يقال ان معناها سندويش باللحم الخنزير اما برغر يعني خبز سندويش والله اعلم،
المقادير
- كاس ماء دافىء
- 0.5 كاس حليب دافىء
- ملعقة ك خميرة فورية
- ملعقة سكر
- بيضة
- ملح
- 1 خمارة كيميائية
- 3 ونص كؤوس فرينة (طحين او دقيق) تقريبا 4 حسب نوعية الدقيق
- 4 ملاعق زيت
- سمسم
- صدر دجاج مرحي
- ملح حسب الرغبة
- ملعقة ص فلفل اسود
- ملعقة ص كمون
- 0.5 ملعقة راس الحانوت
- فصين ثوم
- ملعقة زنجبيل
- 2 ملاعق لاشابلور
- ملعقة كركم
- خس
- طماطم حب شرائح
- مايونيز
- جبن
- زيتون
طريقة التحضير
- في إناء نضع الماء والحليب والبيضة وخميرة وسكر ونخلط ثم نضع مع الفرينة (طحين) الملح وخمارة ك نضيفها للسواءل ونخلط حتى نتحصل على عجينة تتلاصف في اليد نغطيها ونتركها ترتاح حتى يتضاعف الحجم ثم نزل العجينة فوق طاولة العمل ونشكل حربوش ونقطع 8 قطع واذا حبيتيهم اصغر قطعيهم الى 10 قطع وكوريهم من الاحسن تبعدي بيناتهم انا بعدت بصح لما ضاعف الحجم تلاصقو بصح مانقدرش نمسهم بعدما اختمرت الخطا لي وقعت فيه
- وفي صينية مرشوشة بالفرينة نضع الخبيزات وندهنهم بشوية حليب او ماء على الوجه ونضع السمسم ونتركها تختمر حتى يتضاعف الحجم ودخليهم الى الفرن مسخن سابقا ثم ديري درجة200°م وخليهم يطيبو ثم خرجيها وزيدي ادهني الوجه بالماء ورجعيها باش تتحمر على الوجه وطفي عليها لما تنحيها من الفرن خليها ماتمسيهاش حوالي 10 دقائق مرة الاولى تشوفيها ياااابسة انا صراحة خلعتني وبعد مدة طرات جات خفيييفة روعة ثم غطيتها بالطرشون وخليتها على جنب
- هذي لما قسمتها
- وهذي من الداخل
- الحشو: تحبي ديري واش حبيتي
- انا درت: في روبو وضعت صدر دجاج ملح وفلفل اسود وثوم وتوابل ورحيت ثم لاشابلور وخلطت الكل وشكلت قريصات بحجم برغر ثم قليتهم في 4 ملاعق زيت غير شوحتهم
- وشكلت عادي وغطيت كل وحدة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد