→ كل الوصفات

خبز البرغر هش وخفيف كالقطن🍔

خبز البرغر هش وخفيف كالقطن🍔

  • 1 كأس حليب دافئ
  • 1 ملعقة كبيرة سكر
  • 1 ملعقة كبيرة خميرة الخبز
  • 1 كأس فرينة مغربلة
  • 1/2 كأس ماء دافئ
  • 1/4 كأس زيت
  • حسب الذوق ملح
  • 1 ملعقة صغيرة خميرة الحلويات
  • نصف كيس خميرة الحلويات
  • حوالي 3 كيسان ونصف فرينة مغربلة
  • 1 ملعقة كبيرة مارغرين طرية
  • صفار بيضة
  • 1 ملعقة كبيرة حليب بحرارة المطبخ
  • قطرات زيت
  • جلجلان (سمسم)
  • بافو
  • شيا
  • سانوج (حبة البركة او حبة السودا)
  1. في إناء نخلط الحليب الدافئ مع السكر وخميرة الخبز، ثم نضيف كأس الفرينة المغربلة ونحرك مليح
  2. نغطي الخليط ونخليه يتفاعل ويتخمر شوية
  3. بعد ما يتفاعل، نضيف الزيت ثم الماء الدافئ مع التحريك. بعدها نضيف الفرينة المغربلة تدريجياً مع الملح وخميرة الحلويات، ونجمع العجين حتى نتحصل على عجينة تتلاصق شوية
  4. ندلك العجينة شوية، ثم نضيف المارغرين الطرية وندخلها مليح في العجين حتى تمتصها العجينة وترجع خفيفة وملساء
  5. ندهن الإناء بالزيت، نحط العجينة ونغطيها مليح ببلاستيك غذائي ونخليها تختمر حتى يتضاعف حجمها
  6. نشكل كريات: من 50 إلى 60غ خبز برغر حجم صغير ومن 80 إلى 100غ خبز برغر حجم كبير نحط الكريات في صينية مغطاة بورق الطهي ونضغط عليهم برفق بكف اليد فقط. نغطيهم بمنديل مطبخ ونخليهم يختمروا مرة ثانية
  7. نخلط صفار البيضة مع الحليب وقطرات الزيت، ثم ندهن وجه الخبز ونزينه بالجلجلان أو البافو أو الشيا أو السانوج (حبة البركة)
  8. ندخلهم لفرن مسخن مسبقاً على 180° حتى يتحمروا وياخدوا اللون الذهبي
عجبتك الوصفة؟
شوف كل وصفاتنا في مكان واحد
كل الوصفات →