→ كل الوصفات
هاذا الخبز يجي فارغ من الداخل وطري أنا نعملو بزاف مع الاكلات اللي فيهم تغماس يعني دجاج بالصلصة مثلا يمييي بنينة روعة 💖خبز سهل وسريع 👍😋
المقادير
- كوب ونصف فرينة
- القليل من الملح
- ملعقة كبيرة زيت
- رشة سكر
- الماء حسب الحاجة
طريقة التحضير
- اولا بسم الله الرحمن الرحيم وضعت الفرينة والملح في صحن وبديت نضيف في الماء حتى تحصلت على عجينة متماسكة عجنتها قليلا وغطيتها بكيس غذائي و خليتها ترتاح قليلا حوالي ربع ساعة
- عملتها كور صغيره وغطيتهم وخليتهم يرتاحو هكذا نقدر نحلهم بسهولة
- حليت كل كرة بالحلال مع رشة صغيرة فرينة أو مسحة صغيرة زيت المهم منحلهاش رقيقة بزاف وماشي خشينة كملتهم كامل غطيتهم وتركتهم جانبا
- وضعت في مقلاة الزيت وخليتو يسخن جيدا ثم بديت نطيب بالوحدة نهزها ونحطها في الزيت وبالأدات اللي نصفو بيها البطاطا من الزيت نحاول ندور على الحبة ونخليها داخل الزيت لما تبدأ تتنفخ نرش عليها الزيت بالملعقة حتى تنتفخ كامل نقلبها ثم نحيها من الزيت ونقطرها عادي على ورق ماص
- نكمل كامل الكمية اللي عندي ونقدمو مع الاكلات اللي فيهم صوص هكذا تغمسو بيه والف صحة وعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد