→ كل الوصفات

خبز السندوتشات اللذيذ

#المريول_السوبر خبز سندوتشات المدارس ينفع لكل الحشوات طري ولذيذ جدا احلى من خبز الافران اتعلمت الوصفة دي من الشيف نادية السيد

  • 1 كيلو دقيق
  • كيس خميرة فورية
  • معلقتين صغيرين سكر لتفاعل الخميرة أو معلقتين عسل نحل
  • معلقة صغيرة ملح
  • كوب ونص ماء
  • كوب ونص لبن
  • 1/4 كوب زيت
  • 1 بيضة
  • معلقة صغيرة خل
  1. انا استخدمت كوب ماء دافئ دوبت فيه كيس الخميرة مع السكر أو العسل ونتركها حوالي ١٠ دقائق حتى تتفاعل الخميرة
  2. نضيف البيضة مع الخل علشان تنهي على اي ريحة زفارة للبيضة ونضربها كويس بمضرب سلك أو شوكة ثم نضيف الملح
  3. نضيف اللبن ونقلب تاني كويس مع إضافة الزيت و الدقيق ونقلب كويس حتى تتكون عجينة لينة
  4. هنغطي العجينة بكيس أو ورق استرتش وعليه فوطة حتى تختمر جيدا
  5. هنقسم العجينة في صينية مرشوشة بالدقيق وبعد ما ننتهي من التقسيم نغطي العجينة علشان مش تنشف
  6. ناخد كورة ونفردها لكن من غير ما نرفع العجينة لازم تكون سميكة شوية ونتنيها وتبقى شكل نص هلال ونرصهم في الصاج وتغطي كل صاج ونتركه يخمر مرة تانية
  7. بعد ما يخمر نحضر بيضة ومعلقة لبن ونضربها بملح ورشة فلفل اسمر وندهن ليها وش العيش قبل ما يدخل الفرن مباشره ونخبزه واول ما يخرج من الفرن نغطيه علشان مش ينشف
  8. العيش ده ينفع تحشيه بفراخ بانيه مع سلاطة او جبن أو كفتة اي حاجة متوفرة عندك بالبيت والف هنا مش تنسو تجربو الوصفة وقولولي رايكم ♥️
عجبتك الوصفة؟
شوف كل وصفاتنا في مكان واحد
كل الوصفات →