→ كل الوصفات
#مخبوزاتي الجميلة
المقادير
- العجينة
- أربع كؤوس من الفرينة
- ملعقة كبيرة مملوءة من خميرة الخبز
- ملح
- ملعقتين كبيرتين من سكر
- ملعقتين كبيرتين حليب بودرة
- ماء دافئ
- 6 ملاعق كبيرة زيت
- جلجلان محمص
- بيضة كاملة
- الحشو
- لحم مفروم حسب الرغبه
- خبز يابس
- حبتين بطاطا مقليه
- 3 حبات بيض مقلي
- سلطة
- 2 حبات طماطم
- زيتون
- مايونيز
- شرائح جبن
- ملح وفلفل اسود حسب الرغبة
- م ص كمون
- م ص زنجبيل
- ملعقه صغيره هريسة
- 1/2 ملعقه كبيره طماطم مصبرة
- بيضة
- ملعقه كبيره زيت
طريقة التحضير
- اولا نحط زوج كيسان كبار فرينه في اناء ونظيف لهم زوج مغارف كبار سكر وزوج مغارف كبار حليب بودرة وملعقه كبيره خميره الخبز ونخلط المكونات جيدا ومن بعد نضيف ستة ملاعق كبار زيت نباتي وبيضة كاملة ونخلط مليح المكونات نتاعي وبعدها نضيفلو كأسين من الماء الدافئ ونخلطو مليح ونغلق عليه ونخليه مدة 15دقيقة يرتاح
- ومن بعد نديرلو الملح حسب الذوق ونلمو بالفرينة حتى تتشكلي عجينة متماسكة ومن بعد نديرها على شكل خبيزات بالحجم لي تحبوه نتوما أنا جاوني سبع حبات حجم متوسط ونحطهم فالبلاطو
- وندهنهم بالحليب أو بالماء من الفوق ونديرلهم جلجلان محمص من الفوق ونخليهم يزيدو يطلعو مدة 10دقائق ومن بعد نطيبهم
- أما بالنسبة للحشو يبقى إختياري كيما تحبو أنا حشيتو بكريات اللحم المفروم لي كنت درتلهم ملعقتين كبار خبز يابس والتوابل بيضة كاملة ملح وزيت وهريسة وطماطم مصبرة وخلطهم مليح وقليتهم فزيت
- وقليت معاهم البطاطا والبيض وحشيتهم بسلاطة وطماطم ومايونيز وجبن وأنتوما كيما تحبو وشهية طيبة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد