→ كل الوصفات

خبز رمضان التركي 😍

في ايه احلي من المعجنات مع كوبايه شاي🥰 النهاردة هنعمل وصفه سهله وبسيطه بمكونات موجوده في كل بيت من غير زبدة ومن غير بيض هنعمل عيش تركي #وصفات_الشتاء يلا نشوف المكونات والطريقه 🤩

  • 1/4 كوب ماء دافئ
  • 1 معلقه صغير سكر
  • معلقه كبيرة خميرة جافة
  • 2 ونص كوب ل 3 اكواب الا ربع دقيق ع حسب النوع
  • 1 كوب لبن حليب دافي
  • 1/3 كوب زيت نباتي
  • رشة ملح صغير
  • رشه دقيق سيمولينا
  • سمسم حبه البركه
  • معلقه قهوه سريعه الذوبان و3 معالق ماء دافئ
  1. اول حاجه هنحضر خليط الخميرة السكر والماء والخميرة ونقلبهم ونسيبهم ع جنب شويه
  2. وهنحط باقي المكونات في العجان ومعاه خليط الخميرة ونعجن لحد ما يتخلطو و تتلم علي بعض ونشكلها علي شكل كورة ونسييها في مكان دافي تخمر حوالي ساعه لساعه ونصف
  3. بعد ما خمرت بقي ندهن الصنيه زيت ونرش رشه سيمولينا اذا توفرت ونبدأ نفردها دايرة ممكن الكمية دي تعمل رغيفين وممكن رغيف واحد كبير وهنشكلها بايدينا او شوكة هنعملها حواف كده زي الصورة ونغطيها بفوطه رطبه او بلاستيك ونسيبها حوالي ساعه تخمر تاني
  4. هنعمل خليط من النسكافيه او قهوه سريعه الذوبان مع ماء وندهنها بيه دهنه بسيطه براحه ونزين الوش بسمسم وحبه البركة
  5. هندخلها علي فرن سخن ونسيبها لحد ما تاخد لون دهبي حلو كده هتاخد حوالي نص ساعه بجد جميله وطريه وهشه اوي ممكن تتقدم مع حاجات كتير وممكن كمان نحشيها وبس كده يارب تكون عجبتكم وبالف هنا وشفا❤
عجبتك الوصفة؟
شوف كل وصفاتنا في مكان واحد
كل الوصفات →