→ كل الوصفات

خبز محشي بعجينة خفيفة و طرية 😍

خبز محشي بعجينة خفيفة و طرية 😍

  • كاس حليب دافي
  • 1 م ك سكر
  • 1 م ك خميرة الخبز
  • 1/2 كاس زيت الزيتون
  • ملح
  • حوالي 4 كيسان ونصف فرينة مغربلة (حسب نوعية الفرينة)
  • كاس ماء دافي
  • بصلة
  • شوية زيت الزيتون
  • 1/2 م ك معجون الفلفل الأحمر
  • معدنوس
  • 1/2 كاس ماء
  • فلفل أسود
  • توابل الشاورما
  • 1/2 حبة فلفل لحلو أخضر
  • 1/2 حبة فلفل لحلو أحمر
  • دجاج مرحي
  • ثوم
  • فلفل حار
  • فلفل احمر
  • حبة طماطم كبيرة وحمراء
  • جبن مثلثات
  • جبن مبشور
  • صفار بيضة
  • 1 م ك حليب بحرارة المطبخ
  • قطرات زيت
  • سانوج
  • حبوب الشيا أو الجلجلان
  • زيتون
  1. في إناء نحط كاس حليب دافي و كاس ماء دافي مع خميرة الخبز و السكر و نصف كاس زيت الزيتون، نخلط مليح ثم نغطي الخليط و نخليه يتفاعل
  2. بعدها نحرك الخليط و نضيف الملح، ثم نبدا نضيف الفرينة المغربلة تدريجيا. في الأول نضيف 3 كيسان و نخلط بالملعقة أو الـ spatule، ثم نزيد بالشوية و نطمها باليد حتى نتحصل على عجينة طرية و تتلاصق شوية
  3. نحط العجينة داخل إناء مدهون بالزيت و نغطيها مليح حتى تختمر و يتضاعف حجمها
  4. للحشو: نقلي البصلة في شوية زيت الزيتون، نضيف الثوم و الفلفل الأخضر و الأحمر و الفلفل الحار مقطعين مكعبات صغيرة، و نقليهم حتى يطيبوا و ينشف الماء
  5. نضيف الدجاج المرحي و نحرك، ثم نتبل بالملح و الفلفل الأسود و الأحمر و توابل الشاورما و معجون الفلفل الأحمر، و نقلي الخليط مليح
  6. نضيف الطماطم المرحية و نصف كاس ماء، و نخليه يطيب حتى يعقد. في الأخير نضيف المعدنوس و نطفي النار و نخليه يبرد
  7. نقسم العجينة على زوج أجزاء متساويين. نحل الجزء الأول رقيق في سنيوة مفرشة بورق الطهي و نتقبها بالشوكة
  8. نوزع الحشو ثم جبن المثلثات و الجبن المبشور. بعدها نحل الجزء الثاني بنفس السمك فوق ورق الطهي و نقلبه فوق الحشو، ثم نغلق الأطراف مليح
  9. نتراسي الخبز إلى مربعات، و ندهن الوجه بخليط صفار البيضة و الحليب و قطرات الزيت، ثم نزين بالسانوج و حبوب الشيا أو الجلجلان و الزيتون
  10. ندخله لفرن سخون مسبقا حتى يطيب و يتحمر. 😋
عجبتك الوصفة؟
شوف كل وصفاتنا في مكان واحد
كل الوصفات →