→ كل الوصفات
#وصفات_موسمية اللهم صل وسلم وبارك على سيدنا محمد، وصفة اليوم خبيزات محشيين بحشو أكثر من رائع العجينة خفيفة وطرية نتمنى تعجبكم الطريقة، أمسية سعيدة أحبتي.
المقادير
- 2 كيلات فرينة (كيلت بغرفية)
- ملعقة صغيرة خمارة الخبز
- ملعقة صغيرة سكر
- الملح حسب الذوق
- 1 ملعقة كبيرة حليب بودرة
- الماء دافيء للم العجينة
- 1/4 ملعقة صغيرة زعتر
- 2 ملاعق كبار زيت
- للحشو نحتاج
- 4 حبات بصل مفرومة أو مقطعة رقيق
- 2 حبات فلفل أخضر وأحمر
- 3 حبات طماطم مرابية
- 200 غ كفتة (لحم مفروم)
- ملعقة صغيرة طماطم مصبرة
- ¼ ملعقة صغيرة هريسة حارة
- التوابل نحتاج
- الملح حسب الذوق
- ¼ ملعقة صغيرة الفلفل اللأسود
- ملعقة كبيرة ممسوحة الفلفلة حمرة (البابريكا)
- ½ ملعقة صغيرة الكركم
- ½ ملعقة صغيرة سكين جبير
- 1/4 ملعقة صغيرة سكر
- كمية قليلة من الجبن المبشور
طريقة التحضير
- نغسل الخضر اللي نحتاجها ونبدأ باسم الله، أولا بالحشو في مقلاة نحط شوية زيت تسخن نزيد عليها البصل المفروم في الآشوار نحرك مليح حتى تتقلى وتذبال البصل
- نضيف الفلفل (الأخضر والحمر) مفروم (يمكن نقطعوه قطع صغيرة) نحرك مليح ثم نضيف الكفتة نحرك حتى تنسجم المكونات، نضيف عليها الطماطم المصبرة ونخلط مليح
- ثم نضيف الطماطم مطحونة نحرك مليح وفي الأخير نضيف التوابل (الملح، الفلفل الأسود والفلفة حمرة وسكيين جبير) والهريسة نغلق عليها ونخليها طيب على نار متوسطة
- نخليها فوق النار حتى تنشف من السوائل. قبل ما نطفي نضيف السكر باش يعادل الذوق ونخليها تبرد. ملاحظة: لازم الحشو يكون بارد تماما عند الإستعمال باش لعجينة ماتتقطعش
- نروح للعجينة في إناء حطيت 2 غرفيات فرينة الخمارة والسكر والملح حسب الذوق والحليب بودرة مع رشة من الزعتر لتنكيه العجينة، بديت نلم بالماء دافيء حتى تحصلت على عجينة شوية مرخوفة وتلصق شوية في اليد ضفت الزيت ودخلتها مليح في العجينة
- دلكتها شوية حتى أصبحت ملساء غطيتها ببابي فيلم (بلاستيك غذائي) خليتها ترتاح شوية هبطتلها الخمور وعاود خليتها تخمر للمرة الثانية تقريبا مدة 20 د
- وبديت نخدم بيها، قطعتها إلى قطع تقريبا متساوية، غطيتها ببلاستيك غذائي باش ماديرش القشرة من فوق، وبديت نخدم بالكرية الأولى نحلها بمساعدة الفرينة
- نحطها في ظهر المول اللي يتحل في الجنب، نحط الحشو نسرحو مليح ونضيف الجبن المبشور حسب المتوفر، ندهن صاير داير بالماء ونزيد نحل الكرية الثانية بنفس الطريقة ونحطها فوق الحشو ونغلق الأطراف جيدا ونحي العجين الزائد كما هو موضح في الفيديو، كنت حطيت من قبل نفس الطريقة لكن الحشو يختلف👇🏻. ملاحظة مهمة : إذا ما توفرش عندك هاذ المول استعملي ظهر الغربال (السيار) نفس النتيجة
- ندهن طاجين الحديد الثقيل كنت سخنته من قبل بشوية زيت، ونرمي فيه الخبزة بمساعدة المول، كي طيب من تحت نزيد نرشها من فوق بشوية زيت ونقلبها
- بنفس الطريقة حتى نكمل كل الكمية
- وتقدم بألف صحة وهنا
- يجيو بنان 😋هذا مكان 😉هههههه
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد