→ كل الوصفات
سلام لحباب ان شاء الله تكونوا كامل بخير 😘😘 درت اليوم هاد الوصفة خبيزات محشيين جاتني تهبلل خفيفة و حشوة باهية الله يبارك👌👌👍👍
المقادير
- 400 غ فرينة
- 200 غ سميد رقيق
- مغرف كبيرة خميرة الخبز
- مغرف كبيرة سكر
- 4 مغارف كبار زيت
- ملح حسب الكمية
- ماء فاتر للم العجين
- بصل مقطع مربعات
- طماطم مقطعة مربعات
- جزر مبروش
- لحم مفروم
- مغرف كبيرة زبدة
- ملح،فلفل اسود
- شوية راس الحانوت
طريقة التحضير
- نحط فالأول النواشف مع بعض و نضيف الزيت نبسس العجينة و نلمها بالماء الدافىء و نخليها طرية شوية ندلكها 5دقائق و نحطها في پول و نخليها تخمر
- الحشو: نقلي البصل و نضيفلو الطماطم و الجزر و نزيد التوابل كي نحسوها طابت نضيف اللحم المفروم و نخليها تنشف مليح
- نحي الحشو مالنار و نضيف الزبدة و نخلط مليح حتى نتحصل على هذي النتيجة
- بعد ما تتخمر العجينة نهبطلها الخميرة و نقسمها على 2 نحلها بالحلال و نقطعها دوائر و نحط الحشو فالوسط
- نغلق عليها و نشكلها كرة و نخليها ترتاح 3دقائق و نهبطها شوية ممبعد نحطها مباشرة فمقلة ناشفة او طاجين حتى تتحمر مليح
- شهية طيبة
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد