→ كل الوصفات
#حلويات_العيد
المقادير
- 3 كيلو دقيق قمح
- 3 اكواب زيت سعه 250 مل
- 3 ملاعق كبيره باكنج بودر
- 3 فنجان قهوه صغير نشاااااادر
- 3 اكواب لبن سعه 250 مل
- 3 ملاعق كبيره كاستر باودر
- 3 من لاعق كبيره باكنج باودر
- 40 جرام فانيليا
- 1 ملعقه صغيره كافور مسحون
- 3 اكواب زيت نباتي سعه 250 مل
- 3 اكواب سكر سعه 250 مل
طريقة التحضير
- اولا ده شكل فنجان القهوه الصغير اللى قست بيه كميه النشادر
- ح نحتاج المفرمه البيتى بتاعت زمان ومعاها بوصه نفس مقاسها
- يلا نبدا عمل الخبيز
- فى اناء او حوض كبير نفرغ اكياس الدقيق ونحط عليها الباكنج بودر ونلخبطهم مع بعض
- تجهيز الخلطه اللى ح نعجن بيها ، فى اناء عميق او جردل نضيف السكر والكاستر نخلطهم مع بعض ثم نضيف الفانيليا والكافور واللبن والزيت والنشادر ونلخبطهم بملعقه لحدى م يتجانس الخليط ونلاحظ فوران النشادر نوقف
- نصب الخلطه الى الدقيق ونعجن الى أن تصبح عجينه طريه متماسكه وان كان هناك ليونه أضف الدقيق وقيم الوضع ، بعدها لف العجينه على شكل كرات وحطها فى اناء ذو قفل حتى لا تنشف اثناء الاعداد
- نثبت البوصه ف المفرمه والمفرمه ف مكان ثابت ونبدا عمليه الخبز
- فى فرن درجه حرارته بين ٢٠٠_٢٥٠ وبوسط الفرن اضع الصينيه ، ملاحظه راقب الفرن فقط من خلال الزجاج
- نخرج الصينيه من الفرن و نسيبها شويه تبرد ونخزن الخبيز فى اناء او كرتون كبير الى وقت التقديم
- دى للناس اللى م بيحبو ريحه البيض الفى الخبيز ، وم شا الله بيطلع خفيف وهش جدا جدا،،، جربوها ، من السودان بهديكم احلا تحيه انا داليا الطاهر وبقول ليكم ربنا يديم الصحه والعافيه على جميع الناس ،كل عام وانتم بخير، احبكم
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد