→ كل الوصفات

خلية النحل اللذيذة بعجينة هشة وقطنية جداً 😋❤️

طريقة سهلة وبسيطة لعمل خلية النحل وبعجينة هشة وقطنية جداً 👌🏻ممكن تعمليها على الفطار أو العشا وتحشيها الحشوات المفضلة عندك جربي خلية النحل بالطريقة دي مش هتبطلي تعمليها 😍❤️ #المريول_العالمي #زبادي #زبدة

  • 3 كوب دقيق
  • 2 ملعقة كبيرة حليب بودرة
  • 1 بيضة
  • 1 ملعقة كبيرة خل
  • 1 ملعقة كبيرة خميرة فورية
  • 1 ملعقة كبيرة سكر
  • 1 ملعقة كبيرة زبادي
  • 1 كوب ماء دافئ
  • 1/4 ملعقة صغيرة ملح
  • 2 ملعقة كبيرة زبدة
  • كمية من السمسم
  • كمية من حبة البركة
  1. أولاً جيبي حاجة مناسبة وحوطي فيها الدقيق والسكر والخميرة والحليب البودرة والملح وقلبيهم مع بعض كويس 😍
  2. ضيفي بعد كدة البيضة والخل والزبادي والماء وأعجني العجينة كويس لحد لما تتكون معاكي عجينة ملساء وبعد كدة ضيفي الزبدة وأعجني العجينة تاني كويس لحد لما تتكون معاكي عجينة ملساء وبتلزق شوية أعجني حوالى 7 دقائق متبخليش على العجينة في العجن عشان تكون حلوة معاكي 😍
  3. غطي العجينة بعد كدة وسيبيها تختمر لمدة نصف ساعة وبعد كدة قسمي العجينة الى كرات صغيرة متساوية في الحجم وخودي كرة من العجين واحشيها الحشوة المفضلة عندك ممكن جبن أو شوكولاتة أو فراخ أو لحوم أي حشوة بتحبيها وبعد كدة حوطي كل كرات العجين في صينية مدهونة بالزيت وسيبيها تختمر لمدة 10 دقائق 😍
  4. ادهني وجة خلية النحل بالحليب أو صفار البيض مضاف عليه ملعقة صغيرة خل وملعتين حليب وأخلطيهم مع بعض كويس وادهني بيه خلية النحل وبعد كدة رشي عليها سمسم وحبة البركة ودخلي الصينية الفرن على درجة حرارة 200 لمدة 15 دقيقة تقريباً ولما تستوي خرجيها من الفرن وغطيها بفوطة مطبخ نظيفة لمدة 10 دقائق عشان تكون طرية معاكي 😍
  5. قدمي بئا خلية النحل اللذيذة😋 على الفطار أو العشا بجد حلوة جداً والعجينة هشة وقطنية👌🏻 إن شاء الله تجربيها وتعجبك😍❤️🌹
  6. 😋😋😋😋😋👌🏻
  7. 😋😋😋😋😋😋😋❤️
عجبتك الوصفة؟
شوف كل وصفاتنا في مكان واحد
كل الوصفات →