→ كل الوصفات

خلية النحل بالفراخ والزيتون 😋💓

خلية نحل بحشوة الفراخ والزيتون مع الجبنة الموتزاريلا طعمها حلو جداً وبعجينة هشة وقطنية هتعجبك أوي 🤗👌😍 #من_القلب 💗

  • للعجينة نحتاج
  • 3 كوب دقيق
  • 1 كوب لبن دافئ
  • 1 ملعقة كبيرة خميرة
  • 2 ملعقة كبيرة سكر
  • رشة ملح
  • 1 بيضة
  • 2 ملعقة زبادي
  • 1/4 كوب زيت
  • 1 ملعقة صغيرة خل
  • لحشوة الفراخ نحتاج
  • 2 من صدور الفراخ
  • 1 بصلة مبشوره
  • 4 فصوص ثوم مهروس
  • 1/2 ملعقة ملح
  • 1/2 ملعقة فلفل اسود
  • 1/2 ملعقة بابريكا
  • 1/2 ملعقة بهارات فراخ
  • 1 ملعقة كبيرة كاتشب
  • 2 حبة فلفل أخضر مقطع
  • 1/4 كيلو جبنة موتزاريلا
  • 1/4 كيلو زيتون أخضر وأسود
  • 1/2 كوب ماء
  1. أولاً في طبق غويط نضع الدقيق والسكر والخميرة ورشة الملح وبياض بيضة ونسيب الصفار عشان ندهن بية وجه المعجنات ونضع الزبادي والزيت والخل ونضيف اللبن حبة حبة ونعجن المكونات مع بعض كويس مش أقل من ٧ دقائق عشان تتكون معانا عجينة ملساء مش بتلزق ونعجن كويس جداً وبعدين نحضر طبق غويط ونضع فية حبة زيت ونضع فيها العجينة ونغطيها ونسبها تختمر حوالي ساعة ☺️
  2. بعد كدة نجيب صينية ونرشها بالدقيق وبعدين نكور العجينه كور صغيرة ونضعها في صينيه ونغطيها بفوطة مطبخ نظيفة وبعدين نأخذ كورة من العجين ونفردها حبة بإيدينا ونضع فيها حشوة الفراخ وحبة جبنة موتزاريلا ونقفل العجينة كويس ونكورها ونضعها بعد كدة في صينية مدهونة بالزيت ونكمل كل الكمية بالشكل دة ونسبها تختمر تاني حوالي 1/4 ساعة ☺️
  3. بعد لما تختمر ندهن وجهها بصفار بيضة عليه ٣ ملاعق لبن ورشة فانيليا 1/4ملعقة خل ونرش عليها سمسم وحبة البركة وندخلها الفرن على درجة حرارة 200 ولما تستوي ووشها يتحمر خرجيها وغطيها 10دقائق وبعدين قدميها☺️
  4. لتحضير حشوة الفراخ:بنحضر مقلاية ونضع فيها ٣ملاعق من الزيت ونضع فيها الفراخ ونقطع الفراخ قطع صغيرة ونغسلها كويس بالخل والملح وبعدين نضعها في المقلاية ونضع على الفراخ ملح وفلفل وبابريكا وبهارات ونقلبهم مع بعض كويس وبعدين نضيف البصلة المبشورة والثوم ونقلبهم مع بعض ولما تتحمر شوية نضيف ملعقة الكاتشب ونقلبهم مع بعض وبعدين نضيف الماء ونسيب الفراخ لحد لما تتشرب الماء وبعدين نضيف الزيتون والفلفل الأخضر ونقلبهم مع بعض وبعدين نقفل النار عليها ونسبها لحد لما تبرد خالص عشان نحشي المعجنات بيها☺️
  5. بجد طعمها حلو أوي جربيها هتعجبك جداً وبالهنا والعافية يارب 😍👌🤗💓🌹💗
عجبتك الوصفة؟
شوف كل وصفاتنا في مكان واحد
كل الوصفات →