→ كل الوصفات
خلية النحل من المعجنات اللذيذة والسهلة😋👌🏻 في التحضير والسهلة في التشكيل طعمها حلو جداً وحشوة القرفة والسكر فيها لذيذة وممكن تحشيها بأي حشوة بتحبيها😍 والطريقة دي من أحسن طرق عمل خلية النحل👌🏻 العجينة هشة وقطنية وجميلة جداً❤️❤️ جربي خلية النحل بالقرفة والسكر هتحبي طعمها جداً وأستمتعي بريحة الخبز وانتي في البيت ريحة الخبز بتحسسك بالسعادة والراحة النفسية لو حسة إنك متضايقة قومي إعملي مخبوزات في البيت😊❤️ ✔️الخبز بيحسن المزاج ✔️الخبز بيقلل التوتر ✔️الخبز بيقلل الإكتئاب ✔️الخبز بيطلع الطاقة السلبية ✔️الخبز بيحسسك بالإنجاز ✔️الخبز بيساعد على التركيز والهدوء ✔️الخبز بيحسسك بالشعور بالسعادة ✔️الخبز بيساعد على إفراز هرمون الدوبامين في الجسم #العلاج_بالطبخ #العلاج_بالخبز #الطبخ_مؤنس_الوحدة #Cooking_therapy
المقادير
- 3 كوب دقيق
- 2 ملعقة كبيرة سكر
- 1 ملعقة كبيرة خميرة فورية
- 1 ملعقة صغيرة بيكنج بودر
- 1 كيس فانيليا
- رشة صغيرة من الملح
- 1 بيضة
- 2 ملعقة كبيرة زبادي
- 1/4 كوب زيت
- 1 كوب ماء دافئ
- 2 ملعقة كبيرة حليب بودرة (إختياري)
- 2 ملعقة صغيرة قرفة
- 2 ملعقة كبيرة سكر
- 1 صفار بيضة
- 2 ملعقة كبيرة حليب
- 1 ملعقة كبيرة خل
- 1 كيس فانيليا
- كمية من الحليب المكثف المحلى
طريقة التحضير
- أولاً جيبي طبق عميق وحوطي فية الدقيق والبيكنج بودر والخميرة والسكر والملح والحليب البودرة وقلبيهم مع بعض كويس 😍
- ضيفي البيضة والفانيليا والزبادي والزيت وضيفي الماء بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي وبعد كدة غطي العجينة وسيبي العجينة تختمر لمدة ساعة 😍
- قسمي العجينة بعد كدة إلى كرات صغيرة متساوية في الحجم وغطي كل الكرات عشان متنشفش وبعد كدة خودي كرة من العجينة واحشيها بحشوة السكر والقرفة وقفلي عليها كويس وجيبي صينية الخبز وادهني الصينية بالزيت وبعد كدة حوطي فيها كرة العجين وكملي كل كمية كرات العجين بالشكل ده 😍
- غطي الصينية وسيبي كرات العجين تختمر تاني لمدة 15 دقيقة وبعد كدة ادهني كل الكرات بخليط الدهن ودخلي الصينية الفرن على درجة حرارة 200 لمدة 15 دقيقة تقريباً ولما تستوي ووجهها يأخذ لون ذهبي حلو خرجيها من الفرن وغطيها بفوطة مطبخ نظيفة لمدة 10 دقائق عشان تكون طرية معاكي وبعد كدة حوطي عليها الحليب المكثف المحلى 😍
- قدمي خلية النحل بعد كدة مع كوبايه شاي حلوة او نسكافية☕ أو قهوة بجد حلوة ولذيذة والعجينة هشة وقطنية جداً إن شاء الله تجربيها وتعجبك ومنتظرة تطبيق الوصفة 🥰😍
- 👌🏻😋😋😋😋😋😋
- 😋😋😋😋😋😋❤️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد