→ كل الوصفات

خلية النحل بحشوة ميكس الجبن😋❤️

خلية النحل من المخبوزات والمعجنات اللذيذة😋 والسهلة في التحضير ممكن تحشيها ميكس جبن🧀 أو دجاج🍗 أو لحوم🥩 وممكن بسطرمة مع الجبن بتكون حلوة أنا عملتها قبل كدة وكانت روعة👌🏻 جربي خلية النحل بمكس الجبن هتحبيها جداً😍❤️

  • 2 ونصف كوب دقيق
  • 1 ملعقة كبيرة خميرة فورية
  • 1 ملعقة كبيرة سكر
  • رشة صغيرة من الملح
  • 1/4 كوب زيت
  • 1 كوب حليب دافئ
  • 1 بيضة
  • 1 ملعقة كبيرة خل
  • للحشوة نحتاج
  • ميكس جبن(كيري_رومي_شيدر)
  • كمية من السمسم وحبة البركة
  1. أولاً جيبي طبق غويط وحوطي فية الدقيق والخميرة والسكر ورشة الملح وقلبيهم مع بعض كويس😍
  2. ضيفي بعد كدة بياض البيضة وسيبي الصفار عشان هندهن بيه وجه خلية النحل وبعد كدة ضيفي الخل والزيت وضيفي الحليب بالتدريج وأعجني العجينة كويس لحد لما تتكون معاكي عجينة ملساء وبتلزق شوية أعجني حوالي 7 دقايق متبخليش على العجينة في العجن عشان تكون حلوة معاكي 😍
  3. جيبى طبق غويط وحوطي فية حبة زيت وحوطي فيه العجينة وغطي العجينة وسيبيها تختمر لمدة ساعة وبعد كدة قسمي العجينة لكرات متساوية بحجم البيضة تقريباً 😍
  4. بعد كدة خودي كورة من العجينة وحوطي فيها حشوة الجبن وقفلي العجينة كويس وظبطيها بحيث يكون شكلها زي الكرة الصغيرة وبعد كدة حوطيها في صينية مدهونة بالزيت وكملي كل كرات العجين بالشكل دة وسيبي كرات العجين تختمر مرة تانية لمدة 10 دقائق 😍
  5. إدهني وجه العجين بصفار البيضة وضيفي عليها 3 ملاعق كبيرة حليب وملعقة كبيرة خل وقلبيهم مع بعض كويس وإدهني بالخليط دة كل كرات العجين ورشي عليها سمسم وحبة البركة ودخليها الفرن على درجة حرارة 200 لمدة 15 دقيقة ولما تستوي ووجهها يتحمر خرجيها من الفرن وغطيها وسيبيها 10 دقايق عشان تكون طرية معاكي 😍
  6. قدمي بعد كدة خلية النحل على الفطار أو العشا بجد حلو أوي وهشة وقطنية جربيها أكيد هتعجبك 😍♥️🤗🌷
  7. 😋😋😋😋😋😋😋
عجبتك الوصفة؟
شوف كل وصفاتنا في مكان واحد
كل الوصفات →