→ كل الوصفات
الليل واخره ياقلبي بقي وانا قاعده بخلل خيار ومش عايزه اقولكم علي ريحة الدقه اللي بعملها لاحلي خيار مخلل والخيار بلدي صغير ووسط ويجنن وفريش مش دبلان علشان يعيش وميمورش يعني ميبقاش مهري يبقي مقرمش وطعمه يجنن 😋😋 ويتاكل مع فول وطعميه وجرجير ياوعدي ولا مع اي غدا 😋😋 تعالو شوفي خيار سريع وطعمه يجنن ومقرمش في كل قطمة💝💝💋👌
المقادير
- كيلو خيار صغير ويكون فريش مش دبلان
- 10 قرون فلفل حار
- 5 فصوص توم
- عودين كسبرة خضراء او كرفس المتوفر
- عصير 3 لمونات
- ميه مغليه
- كل كوب ماء معلقه ونص ملح
- ½ معلقه كمون+نص معلقه شطه
- ½ كوب خل
- معلقه سكر
طريقة التحضير
- يغسل الخيار ويقطع نصين والفلفل ننغزه من النص ونضعه في برطمان ونطحن التوم والكسبره الخضرا او الكرفس وعليهم الملح والشطه والكمون ننعمهم كويس انا بظقهم في الجرن علشان يبقوا ناعمين وبعد كده نضع نصف الخل علي الخيار والفلفل في البرطمان
- ونص الخل الباقي نضعه علي التوم والكسبره المطحونين ونعصر الليمون ونضع جزء من الميه السخنه علي التوم ونضعه علي الخيار ونكمل بالميه السخنه ونظبط الملح واخر حاجه معلقه السكر علي المخلل ونغطيه ويتاكل تاني يوم او بعد ٥ ساعات والف هنا ملحوظه لما يستوي الخيار وناكل منه نضعه ف التلاجه عشان مش يعمل مادة بيضاء (ريم) والف هنا ع قلوبكم💝💝💝
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد