→ كل الوصفات
طريقة جميلة جداً لدبابيس الفراخ وصوص الباربيكيو مع الفراخ طعمة رووعة جربيها هتعجبك جداً 😍👌 #وصفات_بالبني
المقادير
- 1/2 كيلو دبابيس فراخ
- 2 بصلة كبيرة
- 4 فصوص ثوم مهروس
- 2 طماطم
- 3 ملاعق كبيرة خل
- 1 ملعقه صغيرة ملح
- 1/2 ملعقة صغيرة فلفل اسود
- 1/2 ملعقة صغيرة كركم
- 1/2 ملعقة صغيرة كاري
- 1/2 ملعقه صغيرة سكر
- 1/2 ملعقة صغيرة بهارات فراخ
- 1 عصير ليمونه
- 3 ملاعق كبيرة زيت
- 2 ملعقة كبيرة صوص باربيكيو
- 1/4 كوب ماء
طريقة التحضير
- أولاً نغسل دبابيس الفراخ كويس بالماء والخل والملح والليمون ونسبها حوالي 1/2ساعة
- نحضر الكبه ونضع فيها البصل والطماطم والملح والفلفل والخل والليمون وكل البهارات الموجودة في الوصفه والزيت و1/4كوب ماء ونخلطهم مع بعض كويس 😍
- نحضر طبق غويط ونضع فيه الخليط ونضع علية صوص الباربيكيو ونقلبهم مع بعض وبعد كدة نضع دبابيس الفراخ في الخليط ونحاول ندخل التتبيلة تحت جلد كل دبوس ونسبها حوالي ساعة أو أكتر بتكون أحسن لو سبتيها أكتر في التتبيلة 😍
- نحضر بعد كدة صينية ونضع فيها دبابيس الفراخ بكل التتبيلة ونضعها على النار ونهدي النار عليها ونغطي الصينية لحد لما تستوي دبابيس الفراخ 😍
- بعد كدة نضع الصينية على الشوايه في الفرن لمدة 10 دقائق لحد لما تتحمر وبعد كدة بنقدمها 😍
- ممكن تعملي جنبها رز مبهر أو رز بالخلطة أو رز بالكركم وسلطة زبادي أو سلطة عاديه بتكون وجبة غداء حلوة جداً جربيها هتعجبك أوي وبالعافية عليكي حبيبتي 😘😍💓🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد