→ كل الوصفات
قدمتها مع طاجين الزيتون مساء الخير الزينات صح عشاكم هذا الطبق الرئيسي لي درته في لمتنا جا واش نقلكم بزاف بنين
المقادير
- دجاجة كاملة منقية ومغسولة
- ½ ربطة سلق
- 250 غ لحم مرحي
- توابل دجاج
- مغرف ص فلفل اسود
- ملح
- مغرف ك هريسة
- مغرف كبيرة زبدة
- فصين ثوم
- للمرق
- اطراف من الدجاج
- راس بصل كبير مقطع
- علبة شومبينيو
- 200 غ زيتون اخضر
- علبة كرام فراش
- ملح حسب الرغبة
- ½ مغرف ص فلفل اسود
- عود قرفة
- مغرف ص توابل مرق ابيض
- مغرف ك زبدة
طريقة التحضير
- بسم الله اللهم صلي وسلم على نبينا محمد اولا نقي الدجاجة جيدا ونغسلها ونقطرها مليح ومن بعد نبدا في نزع العظام بدون ما نخسرها من بعد نفرشها مليح ونرشها بالملح والفلفل الاسود وتوابل الدجاج ونزيد اللحم نتبله بالثوم والملح والفلفل الاسود ونفرشه فوق الدجاجة
- وهنا فرشت السلق عملت طرونش جبن شاف بذوق الثوم ما صورتش هنا نسيت وروليت الدجاجة بالشوية ربطتها بخيط خاص بالطبخ وغلفتها بورق الطبخ ثم الا لمنيوم ودخلتها للفرن مدة الطهي ساعة كاملة ولما طابت نزعت الالمنيوم وخلطت الزبدة مع الهريسة ودهنت بيها وجه الدجاجة وتركتها تتحمر من فوق
- وهنا المرق دوزنتو بالدجاح والبصل مقطع والتوابل غليتهم من بعد مرقت ولما استوى الدجاح نزعته وميكسيت المرق بالبرا ميكسور واضفت الزيتون لي كنت نزعتلو الملح تاعه لما استوى الزيتون اضفت الشومبينو لي حمصته في ليدام لي طلقاته الدجاجة
- وهنا اضفت علبة الكرام فراش خمس دقايق غلات مع المرق وطفيت الغاز وقت التقديم قدمت هيك الطبق تاعي
- جا طبق راقي بزاف بنين ويحمر الوجه نعمة دايمة على الجميع وشكرا لبنات ليكم بزاف على تعليقاتكم المحفزة والمشجعة بارك الله فيكم كل وحدة باسمها
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد