→ كل الوصفات
طريقة عمل دجاج بالبشاميل مع بسكوت السكونز سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- علبة بشاميل
- صدرين دجاج مسحب ومقطع
- كاستين كريمة
- جبنة قشقوان
- جزرة كبيرة مبشورة
- حبة كبيرة فليفلة مقطعة
- بصلة صغيرة مفرومة ناعم
- سنين توم مهروس
- علبة ذرة
- علبة فطر
- ملح، فلفل اسود، بودرة مرق الدجاج، اوريغانو او ريحان مجفف
- بسكوت السكونز
- كاستين طحين منخل
- ملعقة كبيرة سكر
- ملعقة صغيرة ملح
- ملعقة ونص صغيرة بيكنغ باودر
- 1/2 ملعقة صغيرة بيكنغ صودا
- 100 غم زبدة مقطعة ومجمدة
- 3/4 الكاسة حليب
- ملعقة كبيرة خل ابيض
طريقة التحضير
- بمقلاة حامية عليها ملعقتين كبار زيت و ملعقة كبيرة زبدة بتنذبلي البصل بتضيفيله التوم وبتقلبيه بتضيفي صدور الدجاج لتستوي بتضيفي الفليفلة بدون ماتسوي كتير لانه حتدخل على الفرن بعدها الجزر المبشور بعده الفطر والذرة بتضيفي الاوريغانو والملح والفلفل الاسود و بودرة مرق الدجاج بتضيفي البشاميل و الكريمة بس يغلوا سوا اخر شي الجبنة و بتسكبيهم بجاط
- للبسكوت بتخلطي الحليب مع الخل وبتتركيه خمس دقايق بتخلطي كل المكونات الجافة وبتضيفي الزبدة و بتفركيهم سوا بتضيفي الحليب بالتدريج وبتلمي العجينة بدون عجن بتشكليهم وبتوزعيهم فوق الدجاج والخضار بتدخليهم فرن حامي من قبل درجة 180 من الوسط
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد