→ كل الوصفات
#دجاج #كاجو #تشيكن #دجاج_بالكاجو #تشيكن_كاجو #رز #رز_ابيض #ماجي #صينية #فلفل_حلو #ذرة #صحة_وعافية
المقادير
- 3 سفاين مقطعة مكعبات
- بصلة مفرومة ناعم
- كوبين فلفل حلو اخضر وملون مقطع
- كوب ذرة او علبة
- كوب جزر مقطع اصابع صغيرة
- كوب ملفوف احمر مقطع
- كوب ماء بارد
- معلقة نشا
- التتبيلة
- 3 معالق كبيرة من الصويا صوص
- ملح وفلفل اسمر
- نص باكيت بهارات صينية من ماجي
- مكعب او مكعبين ماجي
- زيت زيتون
- كوب كاجو او اكثر حسب الرغبة
- 3 اكواب رز منقوع
- 4 اكواب ماء
- ملعقة ملح الا تقريباً او (حسب الرغبة)
- زيت نباتي
طريقة التحضير
- قبل ما ابلش بتحضير... بدي اقلي الملفوف الاحمر بزيت نباتي واشيله وبعدها اقلي الجزر (يعني كل اشي لحال)
- نذبل البصلة مع الزيت الزيتون ليصر لونه ذهبي
- بضيف الدجاج (السفاين) وبخليهم ليستوي الدجاج
- بضيف الذرة للدجاج بعد ما يستوي الدجاج وبقلبهم مع بعض لمدة ٥ دقائق
- وبعد ما اكون قالي الملفوف الاحمر والجزر بضيفهم على الدجاج والذرة
- بخليهم ع نار عبين ما احس الجزر استوى (بس لازم يكون فيه زي قرشة خفيفة)... بعدها بضيف الفلفل الالوان
- بعد ٥ دقائق بضيف التتبيلة... بعدها بذوب معلقة النشا بكوب الماء البارد وبضيفهم
- وبغطيها وبحطها ع نار هادية عبين ما تتسبك
- بقلي الكاجو وبضيفه ع الصحن او ع الطنجرة حسب انتو شو بتحبو بس يفضل ع الصحن عشان نحافظ على القرشة تبعته
- بحضر الرز الابيض... بطنجرة ثانية بحط الزيت النباتي تقريباً ٥ ملاعق كبيرة وبضيف الملح و الارز المنقوع ونضيف الماء المغلي ونحركه ونتركه مغطى ع نار عالية ، وعندما يبدأ الماء بالغليان نخفّف النار ونغطّي الطنجرة ونترك الأرز حتى ينضج
- وصحة وعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد