→ كل الوصفات
طريقة عمل دجاج بالكريمة مع أرز بالشعيرية سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 3 قطع دجاج مسحب /وممكن دجاج بعضم وبعد ما يستوي بنشيلو
- 1 فليفلة خضرا مقطعة مكعبات
- 1 فليفلة صفرا مقطعة مكعبات
- 1 فليفلة حمرا مقطعة مكعبات
- 1 جزر مقطعة مكعبات
- علبة فطر
- 2 بصل "وحدة لسلق الدجاج ووحدة مع الخضار"
- 1 كوب كريمة
- 1 كوب مرق دجاج
- 1 كوب حليب سائل
- ملح
- فلفل اسود
- بهار مشكل
- ورق غار
- هال
- 3 كاسات أرز طويل
- 1/2 كوب شعيرية
- زعتر ناشف
طريقة التحضير
- نسلق الدجاج بالبداية نغلي الدجاج غلوة وبنكب الماء بطنجرة الضغط بنحط شوية زيت بنحوس البصلة بقطعها جوانح بنحط الدجاج بنقلبو وبنحط الهال وورق الغار والفلفل الأسود والبهار بنقلب بنحط ماء ساخنة حسب الحاجة وبنسكر الطنجرة من لما تصفر بنحسب ١٠ دقائق / اذا بطنجرة عادية لمدة ساعة
- ننقع الارز بماء ساخن مدة نصف ساعة
- بطنجرة تانية بنحط شوية زيت بنحط بصلة مقطعة ناعم بنحوسها شوي بنضيف الجزر مقطع مكعبات مع شوية ماء ليستوي لانو بياخد وقت بنضيف الفليفلة مقطعة مكعبات ثم الفطر بس يستوي الدجاج بنضيف كوب من مرقتو عالخضار وكوب حليب السائل بنقطع الدجاج مكعبات وبنضيفو اخر شي بنضيف كوب الكريمة اول ما يغلى بنطفي وبنضيف رشه زعتر ناشف مطحون
- بطنجرة أخرى نضع قليل من الزيت نقلي الشعيرية لتتحمر بنضيف الارز وشوية ملح بنحركو وبنضيف ماء ساخن غمرتو على النار عالعالي لينفش وتخف الماء بعدها بنتركو على نار هادية ليستوي وصحتين وعافية
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد