→ كل الوصفات

دجاج بروستد 🍗

طريقة عمل دجاج بروستد 🍗 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • فرخه وزن كيلو او كيلو وربع
  • (محلول النقع)
  • كوب لبن رايب او حليب مضاف اليه ملعقة صغيرة من كلا من
  • ملح وفلفل وثوم بودر
  • وبصل بودر وبابريكا وكاري
  • وشطه وكمون وبهارات دجاج
  • 2 معلقه خل
  • (للتغليف)
  • كوب ونص دقيق
  • ¼ كوب نشا
  • 1/2 معلقه صغيره من كل التوابل السابقه المستخدمة في محلول النقع
  • ماء بارد متبل بملح وفلفل
  1. تقطع الفرخه الى 8 اجزاء وتخلى من الجلد وتغسل كويس بماء وملح وخل
  2. نقوم بتجهيز محلول النقع بخلط كل مكوناته معا ونعمل فتحات بالسكينه في قطع الفراخ ثم نضعها في المحلول ليله او على الاقل 6 ساعات(ده طبعاً عشان المحلول بيفتح المسام فيساعد على السوا اسرع وكمان كل ما تكون الفراخ صغيرة بيكون افضل في السوا)
  3. نجهز الدقيق والنشا والتوابل وايضا الماء البارد
  4. نخرج الفراخ من المحلول ونصفيها ثم نأخذ قطعه قطعه نضعها في الدقيق ونغلفها كويس بيه ثم نضعها في الماء لمده 3 ثواني ثم في الدقيق مره اخرى ثم على الزيت مباشره ولازم تكون درجه الحراره عاليه اول 3 دقائق ثم نخفضها لدرجه حراره متوسطه لمده ربع ساعة ولا نضع اكتر من 3 قطع عشان حراره الزيت متنخفضش ويفضل القلي في زيت غزير (انا استخدمت حله)
  5. نطلعها في مصفاه وليس على مناديل حتى تحتفظ بالقرمشه ثم تقدم بالف هنا🤗
عجبتك الوصفة؟
شوف كل وصفاتنا في مكان واحد
كل الوصفات →