→ كل الوصفات
مثل ال kfc كتير لذيذ
المقادير
- دجاج حسب الرغبه وكم شخص
- كيلو طحين
- 6 بيض كمان حسب كميه الدجاج كل ما نقص زيدي😹 بالعاميه
- رشة فلفل اسود
- رشة بصل مطحون
- رشة ثوم مطحون
- رشة بابريكا
- رشة ملح
- بهار دجاج اي بهارات بتحبيها
- زيت نص الطنجره يلي بدك تقلي فيها
طريقة التحضير
- اول شي ئبل م احكي الوصفه ، عنجد م حدا من يومو يعني كل م اعمل kfc بكون نائصو شي ، و يا مكتر المرات يلي كان فيها مش زابط ، و مش مستوي من جوا 😹😹مره مع مره ل اكتشفت اسهل طريئه ل الو و يطلع زابط وزاكي و فيكِ تحكي متل المحـلات 😊
- اول شي منقطع الدجاج ، انا بقطع الفخدات قطعتين و السفاين قطع صغيرة متل الصور
- بعدها بسلقهم بِـ طنجرة الضغط ٣٠ دقيقه {منحط ورق غار و حامضه منقسمها من النص و فلفل اسود و بهار مشكل }
- وعاء مسطح {جاط } او بايركس منحط فييّ الطحين (انا استخدمت نص كيلو طحين ل 3 جاجات) و البهارات يلي سميتهم فوق ☝🏻و منخلطهم ، و بوعاء تاني مجور {زبديه كبيره} منفقس البيض و منحط نفس البهار يلي حطيناه للطحين و منلخو (منخلطو)
- منحط الزيت لٰـ نص الطنجره يلي بدنا نقلي فيها على بين ما يحمى الزيت
- نحضر الدجاج من طنجره الضغط و منصفيه من المياه
- منغطسه ب الطحين بعدها بالبيض بعدها مره تانيه بالطحين
- بكون حمي الزيت ومنغطس قطع الدجاج بالزيت الحامي بعدها منخفف الغاز شوي و منكرر لتخلص الكميه
- البطاطا : منغطسها بنفس البيض وبعدها بالطحين بعدها ب الزيت الحامي ومنوطيه على الاخر لٰـ تستوي براحتها
- صحة وعافيه هي اسهل طريقه و بضمنلك مليون بلميه تزبط ويطلع زاكي و م عليه ولا كلمه 👌🏻و ان حدا احتاج اي شي ب اي طريقه فيه يسألني ، حبكم 😻
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد