→ كل الوصفات

دجاج بصلصة الصويا(دايت)🍗🍗

اكلة سريعة و سهلة و مفيدة و ما في اطيب منها و مناسبة كتيييييير للدايت 🍗🍗

  • كيلو دجاج او كيلو صدور او كيلو افخاذ دجاج
  • بصلة كبيرة
  • 4 فصوص توم
  • فليفلة خضرا
  • فليفلة حمرا
  • فليفلة صفرا
  • زيت زيتون
  • ملح
  • رشة كمون صغيرة
  • رشة كاري صغيرة
  • ملعقة صلصة صويا او اكتر او اقل على حسب الزوق
  • كاسة او كاستين مي على حسب اذا كان الشخص يحب المرقة او لا
  1. نجيب الدجاج (انا جبت افخاذ دجاج و نزعت الجلد) و غسلتن منيج بمي و ملح
  2. بطنجرة حطيت زيت زيتون و حطيت فيها الدجاج ليتشوح
  3. بهالفترة اللي الدجاج قاعد يتشوح بالطنجرة 🍗 اجيب البصل و التوم و الفليفلة بالوانها و اقطعها يا اما ناعم يا اما شرايح (انا قطعتن ناعم)
  4. بحط البصل و التوم و الفليفلة ليتشوحوا مع الدجاج
  5. بعدين بحط ملح و رشة صغيرة كمون و رشة صغيرة كاري (ممكن نستغني عن البهارات لان النكهة قوية و طيبة)
  6. بصب كاسة مي او كاستين مي على حسب ما تحبي و نضيف مع المي ملعقة صلصلة صويا او اقل و لو ما تحبي الصويا ممكن نستغني عنها ما رح يأثر عالطعمة و رح يظل الدجاح طيب
  7. نغطي الطنجرة و نخلي الدجاج يستوي على مهلو مع المي المضافة بنار هادية و بس هيك
  8. الف صحة و هنا
عجبتك الوصفة؟
شوف كل وصفاتنا في مكان واحد
كل الوصفات →