→ كل الوصفات
#المهم_الطعم
المقادير
- دجاج بانيه مقطع
- معلقة صغيرة (كاري - كركم - ببريكا- بصل بودر - توم بودر)
- ¼ معلقة صغيرة زنجبيل
- معلقة صغيرة ملح
- ½ كوب دقيق
- كوب ماء
- جزر مقطع
- فلفل الوان مقطع
- شرائح بصله مقطع
- معلقة كبيرة توم مفروم
- 3 معالق كاتشب
- معلقة كبيرة نشا
- ¼ كوب صويا صوص
طريقة التحضير
- اول حاجه هنجيب بوله وهنضيف فيها التوابل ونصف كوب الدقيق وكوب المايه ونقلبهم كويس جدا مع بعض ونضيف عليهم البانيه ونقلبهم كويس ونحطهم في التلاجه لمده نصف ساعة
- بعدين نجيب بوله تانيه ونضيف فيها كوب دقيق مع توابل وبهارات مشكلة ونقلبهم كويس ونغطس قطع البانيه فيه ونقلي في الزيت لحد مايبقى لونه الدهبي الجميل ونطلعة على مناديل مطبخ
- ونجيب طبق نضيف فيه الصويا صوص والكاتشب وكوبايه مايه ومعلقة نشا كبيرة ونقلب كله مع بعض كويس جدا ونسيبة على جنب ونروح على البوتجاز ونجيب طاسة فيها معلقتين زيت وننزل بالخضار بتاعنا نديله تقلبتين كدا مع معلقة التوم المفروم وشويه بهارات من ذوقك ونقلبهم كويس جدا مع بعض
- بعدين ننزل بالخليط الي عملناه على الخضار في الطاسة ونقلبهم كويس جدا مع بعض ونضيف عليه البانيه المقلي ونقلبهم مع بعض ونسيبه دقيقه على نار علشان كله يتشرب من بعضه وبألف هنا 🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد