→ كل الوصفات
#تحدي_وصفات_المحلات
المقادير
- 2 افخاد دجاج و ربع صدر دجاج
- كاس حليب متوسط
- م ك معمرة ياغورت طبيعي
- 2 م ك خل او عصير ليمون
- 3 م ك فرينة
- م ص ملح
- م ص حرور
- م ص سكنجبير (زنجبيل)
- م ص ثوم غبرة
- 1/2 م ص كمون
- رشة زعيترة
- م ك خردل
- م ص فلفلة حمرة
- 2 كؤوس فرينة
- حوالي لتر ماء
- زيت للقلي
طريقة التحضير
- بعد بسم الله الرحمان الرحيم نبدأ: نأخذ افخاد الدجاج و صدر نغسلهم مليح ثم نقسم الافخاد الى نصفين والصدر نحيله العظم و جناح و نقسمه الى نصفين ثم نأخذ انصاف الافخد العريضة نحيلها العضم ونقسمها الى نصفين كما هو موضح في الصور و هكدا نتحصل على ثمن قطع و نعمل في كل قطعة فتحات طولية بالسكين
- ثم نأخذ وعاء نضع الحليب، 3 ملعقة كبيرة فرينة، الخل، الخردل، الثوم غبرة، ياغورت طبيبعي، التوابل نخلط الكل مليح و نضع فيه قطع الدجاج و نخليها في الثلاجة تتشرب النكهات على الاقل ساعة و من الاحسن نعملها قليلو نطيبها غدا او نعملها صباح و نطيبها قليلا كل ما قعد دجاج فالتتبيلة يجي طري من لداخل و بنين انا خليتها 4 ساعات
- ثم نأخذ وعاء او صحن كبير نضع 2 كؤوس فرينة ونفس التوابل لستعملناهم في التتبيلة و نخلطها غاية و نحضر وعاء نفرغ فيه الماء عادي من الحنفية و ندير زيت يسخن ثم نبدأ نحضر في قطع الكنتاكي كاالتالي:
- نأخذ قطعة نرمدها مليح في الفرينة ننفضها ثم نغطسها في الماء نقطرها و نعاود نرمدها في الفرينة باليد ثم نضربها ثم نرمد حوالي ثمن مرات لكي نتحصل على تلك التجاعيد لازم نعمل هاد العملية تاع الضرب لانها هيا الاساس باش تكتر التجاعيد و يجي مقرمش ومشوك كما هو موضح في الصور
- ولازم نقليها مباشرة في حمام زيت ساخن على نار قليلة باش طيب من داخل و تتحمر من برا و هكدا حتى نكمل جميع القطع يجو مقرمشين ومشوكين متل كنتاكي و البنة مانحكيش😁😋
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد