→ كل الوصفات

دجاج محشي أرز بالكبد والقوانص 👌

طريقة عمل دجاج محشي أرز بالكبد والقوانص 👌 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • 900 جرام دجاجه وزنها حوالي
  • 2 كوب أرز مصري مغسول
  • حوالي ربع كيلو كبد وقوانص
  • 2 بصله متوسطه
  • راس ثوم
  • زبده
  • زيت
  • ملح
  • فلفل اسود
  • باربيكا
  • كزبرة ناشفه
  • زعتر
  • روز مارى
  • زنجبيل بودره
  • قرفه بودره
  • جوزه الطيب
  • كاري
  • 2 ملعقه خل
  • عصير ليمونه
  1. تتبيله الدجاج أنا سبتها في التلاجه حوالي ٣ايام عشان تاخد طعم التتبيله بالكامل التتبيله بقى هي ملح وفلفل اسود وخل وليمون ورشه جوزه الطيب بابريكا وكسبره وبصله متقطعه قطع صغيره وحوالى خمس فصوص ثوم مهورسين وزعتر وروز مارى وملعقه زيت ذره
  2. في طبق أو علبه بغطاء نحط الدجاجه وعليها التتبيله كلها ونحط عليها ماء لحد مانغطى الدجاجه بالكامل بالماء ونزود الملح عشان يدخل جوا اللحم ونسيبها ٣او٤ايام
  3. الرز بقا نجيب حله ونحط مكعب زبده وزيت وأم تسخن ننزل بالبصلة المتقطعه صغير وأم يبدأ يأخذ لون ننزل بالكبد والقوانص المغسولين كويس ومتقطعين قطع متوسطه ونقلبهم سوا وبعدها نحط حوالي ٣فصوص ثوم مفروم ونقلبهم سوا ونحط التوابل ملح وفلفل اسود وكسبره ورشه جوزه الطيب وكمون وجنزبيل بودر وقرفه بودر وكارى وأول مايبدا يستوى ننزل بالرز ونقلبهم سوا كويس لحد مايندمجوا سوا نزود ماء لكل كوب أرز كوب ماء ونسيبه على نار وسط لحد الغليان وأول مايغلى موطى النار خالص
  4. نطلع جزء من الرز وهو نص سوا عشان نحشي بيه الدجاجه ونسيب الباقى يستوى ونقدمه جنبها وبعد كدا نطلع الدجاجه من التتبيله ونحشيها كويس ونضغط على الرز عشان مش يخرج منها ونحشيها من عند الرقبه وبعد أم نحشيها كويس نقفلها بخله أسنان من فوق عند الرقبه ومن تحت من عند البطن ونضم رجلها على بعض ونربطها بخيط
  5. وبعد كده نجيب صينيه ونحط فيها الدجاجه ونحط من ماء التتبيله حوالي نص كوب ونحط من التتبيله ال كانت منقوعه فيها على الوش ونغطيها بورق فويل أو من غيره وندخلها فرن سخن في الاول على درجه حراره عاليه ٢٠٠او ٢٥٠عشان متنزلش ماء وبعد كده نهدى النار على ١٨٠ ونسيبها حوالي ساعه ونص ولو غطينها بفويل بنشيله بعد نص ساعه عشان تتحمر وبس
  6. ونقدمها مع الرز الباقى
  7. وبعد ساعه ونص مطلعها من الفرن أو على حسب الفرن وبتكون مستويه من جوا جدا بسبب النقع في التتبيله وكل اللحم طعمه تتبيله تحفه 😋😋
عجبتك الوصفة؟
شوف كل وصفاتنا في مكان واحد
كل الوصفات →