→ كل الوصفات

دجاج محشي مع رز الكبسه 😍😋

ازكى واكتر شي بعملو، كانت امي بتعملها هالأكله، وتعلمتها منها وضفت شوية شغلات من عندي، الطريقه طويلة، بس للتطبيق سهله، بنصحكم تجربوها 😁💙

  • دجاجة كامله، يكون حجمها مناسب للحشي
  • 5 كاسات رز بسمتي وبننقعو بماء سخن
  • كاسة شاي فريكه خشنه وبننقعها بماء سخن
  • مقادير بهار الجاجة 👇🏻
  • 1/2 م.ص فلفل اسو
  • 1/2 م.ص كاري
  • 1/2 م.ص قرفة
  • 1/2 م.ص عصفر
  • 1/2 م.ص بهار كبسة مطحون
  • 1/2 م.ص بهار مشكل
  • م.ك صلصة بندورة
  • 2 م.ك لبن
  • 2 م.ك عصير ليمون
  • برش ليمونه
  • م.ك زيت زيتون
  • ملح
  • 0.5 بصله مبروشة ناعم
  • م.ص ثوم مبروش
  • م.ك بابريكا حارة اختياري
  • 0.5 جزرة مبروشة
  • 0.5 حبة فليفله مقطعه
  • م.ك زعتر يابس
  • مقادير خلطة الرز👇🏻
  • كل كاسة رز بدها
  • حبة بندورة مبروشة
  • بصلة مبروشة
  • ثوم مبروش
  • م.ك كاري
  • م.ص قرفه
  • م.ك بابريكا حارة "اختياري"
  • 2 م.ص و½ بهار كبسة "ناعم" لخمس كاسات رز
  1. الجاج المحشي قبل بيوم بعمل خلطه للجاج
  2. الخلطة يلي هي "برش حبة بندورة برش بصلة برش ثوم وبرش قشر ليمونه مبروشين صغير ، بحط عليهم نص ملعقه صغيرة من" فلفل اسود، كاري، بابريكا حارة، بهارات عاديه، عصفر ، قرفة مطحونه" بضيف عليهم شوية زيت زيتون وشوية لبن ، وعصير نصف ليمونه ، وملح، ومعلقتين صلصة بندورة,بنخلطهم مع بعض لحتى يكون عنا خليط شوي سائل، وبندهن الجاج فيه من جوا ومن برا وتحت الجلد
  3. ثاني يوم بنعمل الحشوة فريكه منقوعه ومصفيه ، مع برش بصلة وبرش ثوم وشوية زيت زيتون ورشه صغيرة من "قرفه مطحونه، كاري، بهارات عاديه، فلفل اسود" وملح حسب كمية الفريكة، بنحشي الجاج وبنسكرهم ب نكاشات اسنان، بنجيب الاكياس الحرارية وكل كيس بنحط فيه جاجه مع كاسة ماء صغيرة، بنحطهم بالفرن ع درجة حرارة 180 ولما يصير يغلي بنوطي ل حرارة 150، مدة ساعه ونص او حسب م نشوف الجاج استوى بنشيلو من الكيس وبنحمرو
  4. رز الكبسة ب طنجرة ببرش لكل كاسة رز نص جزرة ونص حبة فليفله مقطعه شرائح طوليه ، وبرش بصلة وبرش حبة بندورة وبرش ثوم ، وبحط عليهم زيت قلي الكمية يلي نستوي فيها كمان الرز ، وبنضل نحوس فيهم ليتذبلو ، بنحط بهارات الكبسة ، وكاري،وقرفة مطحونه، وبابريكا حارة "حسب الرغبة"بنحركهم شوي وبنطفي الغاز ، بنكون ناقعين بسمتي وبنصفيه ، وبنخلطو مع الخضار الي عملناهم
  5. بنكون مجهزين شوربة جاج او شوربة ب ماجي ويلي هي"بصل وثوم وبندورة بنقطعهم مكعبات كبيرة وبنحوسهم شوي بعدين بنحط مي سخنه وماجي وملح وبهارات كبسه وقرفه عيدان وورق غار وحب هيل ، بنخليهم ع الغاز لحتى يستوي البصل يلي فيهم" لما نحط الشوربه ع الرز بنصفيها ، وما بننسى الملح للرز ، وبنولع الغاز عليهم ولما يستوي الرز بنقدمهم مع الجاج المحشي ، وصحتين وهنا 💙
عجبتك الوصفة؟
شوف كل وصفاتنا في مكان واحد
كل الوصفات →