→ كل الوصفات

دجاج محشي

الدجاج طري والحشوة مزبوطة

  • دجاجة كل ما كان الحجم اكبر الذ
  • كأس و نص رز مصري
  • كأس رز بسمتي
  • ربع كيلو لحم مفروم او لحم راس عصفور
  • بهارات مشكلة، قرفة، فلفل اسود، كاري، بابريكا
  • مكعب مرقة الدجاج
  • معلقتين لبن
  • ملعقتين زيت زيتون
  1. ننظف الدجاج من اي زاوئد غير مرغوبة ونغسله بعدين نخلط البهارات ونعجنها باللبن والزيت الزيتون ونتبل الدجاج فيه لحتى ننتهي من الرز
  2. نغسل الرز ونخلط النوعين، ممكن نستخدم نوع واحد حسب الرغبة، ننقعه ١٠ دقائق بهاي الفترة بنكون قلبنا اللحمة المفرومة بسمنة او زيت وبعدين نضيف الرز بعد ما صفيناها. نبهر الرز بنفس البهارت ماعدا البابريكا بعدين نظيف زر الماجي والماء لطبخ الرز
  3. بعد ما يستوي الرز نحشي الدجاج ونحضر صينية الفرن بنحط قصدير اكتر من طبقة. أنا بحب احط شوي زيادة من الرز مع الدجاجة بالصينية. و بعدين نغلفها ونحطها بفرن حامي عا ٤٠٠ فهرنهايت ولا ننسى نحط ماء بالصينية بعد ساعة ننزل الحرارة لا ٣٥٠
  4. نشيك عا الماء كل نص ساعة ولا نفتح على الدجاج إلا بعد ساعة ونص إلا ساعتين وبس نفتحها نحمر الدجاجة من فوق
عجبتك الوصفة؟
شوف كل وصفاتنا في مكان واحد
كل الوصفات →